Atualità

Sèn Jan y Lases: an lita en domënia ai 27 de ma

Sotescrit le decret: a Sèn Jan y Lases liton en domënia ai 27 de ma

A Lases y a Sèn Jan él en domënia ai 27 de ma dl 2018 les lites de comun. Do avëi arjunt n’intenüda cun le Comissariat dl govern y le presidënt dla Curt d'Apel de Trënt á le presidënt dla Regiun Arno Kompatscher sotescrit le decret che fissëia la data dles lites. La lita dezisiva eventuala é preodüda por en domënia ai 10 de jügn.

Cun la sotescriziun dl decret pëia ia i laurs litai che prevëiga la deponüda tla Provinzia di simboi da en jöbia, ai 12 a en vëndres, ai 13 d’aurí, deperpo che les candidatöres vëgn dades jö ti secretariac di comuns da en vëndres, ai 20 d’aurí a en mertesc, ai 24 d’aurí dales 12:00. Ti dui comuns liton ma en domënia, dales 7:00 ales 21:00, y an metará man da cumpedé fora les usc en domënia sëra do les lites.

USP