Atualità
Rondel nü por la strada provinziala 40 a San Laurënz
Le rondel nü garantiará manco codes y na majera segurëza sön la strada provinziala 40 a San Lourënz. Ok dla Junta ales carateristiches tecniches dl proiet.
Le Comun de San Laurënz ciara bele da de plü agn da ciafé na soluziun por le trafich sön la strada provinziala 40, ajache al é tan d’auti y ajache al é prigorus porvia di tröc azesc ales impreses. Cun le fin da ciafé na soluziun por i problems liá al trafich á la Junta provinziala aprové incö (ai 16 de forá) les carateristiches tecniches de n rondel dlungia l’azes al Supertip.
“Le rondel dess alisiré le flus dl trafich, razionalisé i azesc y le sortides dales ativités comerziales y garantí insciö na majera segurëza”, dij Valentino Pagani, diretur dl Departimënt Mobilité y Infrastrotöres. Por mirit dla realisaziun dl'opera jarará da alisiré le flus di auti. Danter le rondel nü y chël da sëgn dla “Senni”, jarára ma da jí de un n vers y an ne podará nia plü oje a man ciampa, cossa che intardiâ i aiuti. Por garantí na majera segurëza gnarál fat marciapisc aper dla strada provinziala che conzedará l’azes a pe ales ativité y ai gnará colié ales fermades di autobus.
Le rondel ará n diameter estern de 28 metri y la larghëza dla strada sará de zirca 8 metri. La trassa de strada atocada dal intervënt é de 300 metri. Tl cheder di laurs gnarál ressané y dortoré les infrastrotöres che é bele. L’investimënt complessif é de 1,4 miliuns de euro; le Comun de San Laurënz se surantol i cosć por les espropriaziuns che vá debojëgn y la proietaziun.
USP
