Atualità

Ince iniann dis de formaziun politica: iscriziuns cina ai 28 de forá

“Tëma. Podëi. Coraje” é la tematica di dis de aziun de formaziun politica. Scomenciadies y aziuns vëgn ciamó chirides.

I dis de aziun de formaziun politica vëgn organisá vigni ann dai 23 de aurí ai 9 de ma dl 2018

I dis de aziun de formaziun politica vëgn organisá vigni ann dai 23 de aurí ai 9 de ma dl 2018 te de plü Paisc d’Europa, insciö ince tl’Austria y tl Südtirol. Por l’ediziun dl 2018 sarál poscibl da dé jö ciamó cina ai 28 de forá idees, scomeciadies y proiec tl Ofize Formaziun permanënta dla Provinzia.

Democrazia, dërc dles porsones, partezipaziun y zitadinanza ativa – de chëstes tematiches nen vará pro i dis de aziun de formaziun politica. Ai é n’ocajiun por amplié les conescënzes sön la tematica ince tl Südtirol, cun tl zënter le slogan dl’Uniun europeica “Education for Democratic Citizenship”, che reverda la formaziun por na zitadinanza democratica.

Tëma. Podëi. Coraje” sará le moto prinzipal di dis de aziun da iniann. L’Ofize Formaziun permanënta é ciamó tl laur da chirí scomenciadies che podess paissené te chësc contest. Les uniuns dla jonëza y d’atres assoziaziuns, sciöche ince scores o organisaziuns interessades pó mené propostes cina ai 28 de forá. Les scomenciadies vëgn spo inserides tl calënder ofizial da ciafé sot a www.provinz.bz.it/aktionstage.

Por de plü informaziuns

Ofize Formaziun permanënta

amt.weiterbildung@provinz.bz.it
Tel. 0471 413390
Contac: Christine Spögler und Anika Michelon

 

USP

Galaria dales fotografies