Atualità
De dl sport invernal dl’Euregio di Stödafüch volontars sön Munt de Suc
Dai 18 ai 20 de jená gnarál a se le dé sön Mun de Suc la pröma ediziun dl De dl sport invernal dl’euergio di Stödafüch volontars dl Südtirol, Tirol y Trentin.
Al é preodü che al tolará pert söporjö 1.000 partezipanc dales trëi Regiuns dl Südtirol, Tirol y dl Trentin che fej pert dla Euregio. Al gnará organisé competiziuns tles seziuns che reverda le schi alpin, le jí cun la liösa, le paslunch y schi alpinism. La zerimonia de daurida gnará organisada en presënza dl presidënt dla Provinzia Arno Kompatscher
en jöbia, ai 18 de jená,
dales 19.00
tla Ciasa dla Cultura a Suc
cun l’entrada da festa cun les bandieres y na sëra tiroleja. La manifestaziun vëgn organisada dai Stöfafüch volontars de Suc cun le comandant Reinhard Rossi. Les gares y competiziuns gnará a se le dé en vëndres y sabeda, 19 y 20 de jená. An pó ciamó se scrí ite cina ai 14 de jená. Dötadöm él tl’Euregio indöt 903 grups de Stödafüc volontars: 306 tl Südtirol, 359 tl Tirol y 238 tl Trentin.
Por informaziuns plü monüdes: https://www.ff-seis.it.
La manifestaziun vëgn sostignida dala Regiun Trentin-Südtirol y dal'Organisaziun provinziala di Stödafüch volontars.
USP
