Compact-INFO cun simulaziun dl ejam a usc

Tratan chisc apuntamënc ne podarëise nia ma savaié la proa a usc mo ince tó pert ales simulaziuns de d'atri candidac. Döt gnará fat sciöche dal dërt ejam. I arëis 10 o 15 menüc por s'arjigné ca y spo fajarëise l'ejam a usc. Ala fin ves lascerá la comisciun atira alsavëi la valutaziun de osta prestaziun y chësc sará  interessant ince por che che á tut la dezijiun ma da ti ciaré ai ejams de d'atri.
Tl tëmp che romagn podarëise se dé jö cun les atres ativités sön le program: presentaziun dl ejam de bilinguism, consëis por l’autoaprendimënt o incuntada por la conversaziun.

Program

liví B1 (livel C da n iade) y A2 (livel da n iade)
dales   8.30 -  9.45 presentaziun dl ejam de bilinguism
dales 10.00 - 13.30 simulaziun di ejams
dales 10.00 - 12.30 consëis por imparé instësc

dagnora

punt d'incuntada por la conversaziun
liví C1 (livel A da n iade) y B2 (livel B da n iade)
dales 13.30 - 14.45 presentaziun dl ejam de bilinguism
dales 15.00 - 18.30 simulaziun di ejams
dales 15.00 - 17.30 consëis por imparé instësc

dagnora

punt d'incuntada por la conversaziun

I proscims termins:
• data ciamó da confermé

• 23 de aurí dl 2020

• 19 de novëmber dl 2020