Aladô dl’ordinanza n. 16 di 02.04.2020 dl presidënt dla Provinzia sön les mosöres surapró por la prevenziun y gestiun dl’emergënza epidemiologica da COVID-2019 (http://www.provinzia.bz.it/segureza-proteziun-zivila/proteziun-zivila/coronavirus-downloads-documenc-da-desciarie.asp) vëgn la validité y la faziun dles ordinanzes de emergënza y prëscia n. 10/2020 di 16.03.2020, n. 11/2020 di 21.03.2020, n. 12 di 23.03.2020 y n. 15/2020 di 28.03.2020 arlungiada cina ai 13 d’aurí dl 2020. Por chësta rajun vëgn i ejams sospenüs cina ai 13.04.2020, tan inant che al ne vëgn nia preodü val’ d’ater.
I Ves periun bel da controlé regolarmënter i comunicac stampa atuai sciöche ince chësta plata internet http://www.provincia.bz.it/formazione-lingue/bilinguismo/default.asp
Pornanche ara jará indô da tigní i ejams Ves menarunse l'invit cun na data d'ejam nöia che i metarun spo ince te Osc ciamp personal de MyCIVIS.
Che che é scrit ite al ejam de bilinguism, al ejam te un n lingaz o al ejam de ladin y á bele n termin por l'ejam vëgn perié da consulté tresfora chësta plata internet. I comunicun cun Os tres chësta plata internet y tres chësta Ves lasciunse ince alsavëi canche al gnará indô tigní ejams.
Sce i esses da avëi debojëgn d'informaziuns sön i ejams podëise contaté le numer de telefon: 0471 413900 o scrí a: ebt@provincia.bz.it.
I Ves rengraziun de Osta comprenjiun.
