Novités sön l'ejam de bi- y trilinguism

L'ejam de bi- y trilinguism devënta "plü" digital

Da agost dl 2019 inant: atestat de bi- y trilinguism digital y d'atres novités

Le Sorvisc Ejams de bi-y trilinguism á te chisc mëisc ciaré da mioré la comunicaziun cun la jënt y da fá a na moda che al foss plü saurí da se scrí ite al ejam.

Do l'introduziun al 1. de jená dl 2019 dl SPID sciöche sora poscibilité por se scrí ite al ejam de bi- y trilinguism y damané do le reconescimënt de zertificac linguistics y titui de stüde, él ciamó trëi novités.

Pian ia dal 8 d’agost dl 2019 ciafarëise tl raiun resservé de myCIVIS l'atestat de bi- y trilinguism tl format digital, les valutaziuns dla comisciun d'ejam y l'atestat de presënza. Pornanche chisc documënc gnará ciariá sö ciafarëise na notificaziun por e-mail y/o SMS.

Implü él ince na novité che reverda che che n'á nia ciamó cumplí 18 agn: dai 8 d'agost dl 2019 podarái se scrí ite al ejam de bi- y trilinguism online tres le SPID di geniturs.