ladin dla Val Badia

Informaziuns aladô dl art. 13 dl Regolamënt UE 2016/679 dl Parlamënt Europeich y dl Consëi di 27 d'aurí dl 2016

Titolar dl tratamënt di dac personai

Titolar dl tratamënt di dac personai é la Provinzia autonoma de Balsan, Plaza Silvius Magnago 4, Palaz provinzial 3a, 39100 Balsan, e-mail: direzionegenerale@provincia.bz.it PEC: generaldirektion.direzionegenerale@pec.prov.bz.it.


Responsabl dla proteziun di dac (RPD)

I dac de contat dl RPD dla Provinzia autonoma de Balsan é: Provinzia autonoma de Balsan, Palaz provinzial 1, Ofize Organisaziun, Plaza Silvius Magnago 1, 39100 Balsan; e-mail: rpd@provincia.bz.it; PEC: rpd_dsb@pec.prov.bz.it.


Fins dl tratamënt

I dac dá jö gnará laurá fora, ince tla forma eletronica, dal personal dl’aministraziun provinziala autorisé por i fins istituzionai coliá al prozedimënt aministratif por chël che ai vëgn dá jö, aladô dl decret dl Presidënt dla Republica di 26 de messé dl 1976, n. 752. La porsona inciariada dl tratamënt di dac é le Diretur/la Direturia pro tempore dla Repartiziun Presidënza y Relaziuns esteres te süa sënta. I dac mëss gní dá jö por desfiré i compic aministratifs damaná. Sce an ne dá nia jö i dac damaná ne vára nia da jí inant cun les domandes y ghiranzes dades jö.


Comunicaziun y destinatars di dac

I dac ti podará gní lasciá alsavëi a d'atri sogec publics, sciöche al'Agenzia dles Entrades, ales aministraziuns statales, ai Comuns y ala Regiun Trentin-Südtirol, por ademplí i dovëis de lege tl cheder dl desfiramënt de sües funziuns istituzionales y a vigni moda en relaziun al prozedimënt aministratif metü a jí. Ai podará ince gní lasciá alsavëi a sogec che pita sorvisc por la manutenziun y gestiun dl sistem informatich dl’aministraziun provinziala y/o dl sit internet istituzional dl ënt, ince tla modalité de cloud computing. Le cloud provider Microsoft Italia Srl, che ti fornësc ala Provinzia le sorvisc Office365, s'á tut dant aladô dl contrat da ne trasferí nia i dac personai defora dal'Uniun Europeica y dai paisc dl raiun economich europeich (Norvegia, Islanda y Liechtenstein).


Difujiun

Olache la difujiun di dac é obligatoria por ademplí dovëis spezifics de publizité preodüs dal ordinamënt varënt, ne vëgnel nia aziché les garanzies preodüdes da desposiziuns de lege sön la proteziun di dac personai che reverda la porsona interessada.


Dorada

I dac gnará tignis sö por le tëmp che vá debojëgn por ademplí i dovëis de lege varënc en materia fiscala, contabla y aministrativa.


Dërc dla porsona interessada

Aladô dles desposiziuns de lege varëntes pó vigni porsona interessada ti rové pormez te vigni momënt sön domanda a sü dac; sce ara i arata falá o nia complec póra damané che ai vëgnes mudá o integrá; ara pó damané che ai ne vëgnes nia laurá fora, che ai vëgnes cancelá o che al vëgnes limité l'elaboraziun tan inant che al é preodü dala lege. Tl ultimo caje pó i dac personai cun n'elaboraziun limitada, stlüt fora la conservaziun, ma gní laurá fora cun l'autorisaziun dla porsona che fej domanda por l’eserzize iudiziar de n dërt dl titolar, por la proteziun di dërc de terzi o por rajuns de gran interes publich.

La domanda é da ciafé sön chësta plata web: http://www.provinzia.bz.it/la/aministraziun-trasparenta/de-plu-dac.asp.


Recurs

La porsona interessada pó dé jö na retlamaziun pro le Garant por la proteziun di dac o fá recurs pro l’autorité iurisdizionala, sce ara ne ciafa nia na resposta te 30 dis da canche ara á dé jö la domanda, ater co sce le termin vëgn arlungé cun motivaziun cina a 60 dis por rajuns liades ala complessité dla domanda o ajache al é tan de domandes.