Ejam te un n lingaz C1 (livel A da n iade)

L'ejam  te un n lingaz C1 ( livel A da n iade)é por che che fej domanda de reconescimënt de n zertificat linguistich. Al vëgn fat tl lingaz olache al mancia le zertificat.

L ejam de bilinguism C1 (livel A da n iade) atestea la cunescënzes linguistiches n basa ala cumpetënzes dl livel C1 dl Cheder de referimënt europeich n cumenanza per i lingac. L'atestat de bilinguism A se referësc a chi liví funzionai dl'aministraziun publica, por chi che an adora n diplom universitar. Eté minimala: por podëi se scrí ite mësson avëi complí i 17 agn. L'amisciun al ejam de bilinguism n'é nia liada a n titul de stüde. Che che oress fá n ater ejam co chël che ti corespogn a so titul de stüde, pó sambëgn le fá.

Aspec organisatifs

I ejams vëgn ma fac te nosta sënta a Balsan, strada Perathoner 10, tla secunda alzada, y mët man dales 8.30.
Al é da ester dër puntuai. Da se tó para él n documënt d'identité varënt y n biro fosch o bröm.

 

Co é pa strotoré l'ejam?

Proa de comprenjiun tl ascuté sö: döes proes de comprenjiun tl ascuté sö, ca. 30 - 35 menüc

Proa de comprenjiun tla letöra: döes proes de comprenjiun tla letöra y n test da loces, 55 menüc

Ejam scrit: al é da scrí dui tesć, 90 menüc

Do che i ëis stlüt jö l'ejam scrit, gnarál metü fora i orars dl ejam a usc dlungia la porta dla classa.

I ejams a usc mët man danmisdé tert cina les 12:30. Do marëna vái inant dales 13:30.

Al vëgn odü danfora 10 menüc de preparaziun al ejam y 10 menüc d'ejam.

Le resultat dl ejam vëgn lascé alsavëi por scrit tres e-mail cina trëi dis da laur do la data dl ejam.

 

Pro la proa de comprenjiun tl ascuté sö él da ascuté sö dui tesć y spo él da fá na crusc sön les dërtes respostes che reverda la comprenjiun dl test.

Pro le pröm test ciafëise na plata cun 8 domandes multiple choice; pro vigni domanda él 4 poscibilités de resposta. An pó ma mëte la crusc sön öna na resposta.

Pro le secundo test ciafëise na plata cun 8 domandes che messëise respogne cun parores tle.

La proa de comprenjiun tl ascuté sö é strotorada insciö: naota lion la plata de laur, spo ascuton le test y dedô mëton na crusc sön les dërtes respostes o an respogn ales domandes. Vigni test pó gní ascuté dui iadi.

Chiló ciafëise n ejëmpl de na proa de comprenjiun tl ascuté sö por todësch:

Test 1
1_Ascuté_C1_todësch [Audio] - 1_Test_C1_todësch - 1_Plata de laur_C1_todësch - 1_Soluziuns  C1_todësch

Test 2
2_Ascuté_C1_todësch [Audio] - 2_Test_C1_todësch- 2 Plata de laur_C1_todësch - 2_Soluziuns_C1_todësch

 

Chiló ciafëise n ejëmpl de na proa de comprenjiun tl ascuté sö por talian:

Test 1

1_Ascuté_C1_talian  [Audio] - 1_Test_C1_talian - 1_Plata de laur_C1_talian - 1_Soluziuns_C1_talian

Test 2

2_Ascuté_C1_talian [Audio] - 2_Test_C1_talian - 2 Plata de laur_C1_talian - 2_Soluziuns_C1_talian

 

BUN DA SAVËI

Sön les plates dla proa de comprenjiun tl ascuté sö che an dá jö pól ma ester les crusc che dá dant Ostes respostes. Vigni plata mëss resté daldöt anonima y porchël ne pón nia sotrissé le test y gnanca fá sëgns de val' atra sort sön la plata.

Tratan i ejams ne pón nia adoré dizionars.

Ciaredei ince ala tabela de autovalutaziun dl Cheder de referimënt europeich en comunanza por i lingac. Dailó ciafëise la descriziun dles competënzes damanades por vigni livel.

La proa de comprenjiun tla letöra é metüda adöm da trëi perts. Tla pröma pert vëgnel ejaminé la comprenjiun globala y detaiada, tla secunda pert la comprenjiun seletiva.

Pro le pröm test vëgnel fat 8 domandes multiple-choice. Pro vigni domanda él cater poscibilités de resposta; al é ma öna na dërta resposta.

Tla secunda pert él 8 tesć cörc a chi che al é da ti atribuí 8 titui.

La terza pert é metüda adöm da n test a 8 loces; pro vignöna él da chirí fora danter trëi respostes multiple-choice. Al é ma öna na dërta resposta.

Chiló ciafëise n ejëmpl de na proa de comprenjiun tla letöra por todësch:

Pröma pert
1_Test_C1_todësch - 1_Plata de laur_C1_todësch - 1_Soluziuns_C1_todësch


Secunda pert
2_Test_C1_todësch - 2 Plata de laur_C1_todësch - 2_Soluziuns_C1_todësch


Terza pert
3_Test_C1_todësch - 3 Plata de laur_C1_todësch - 3_Soluziuns_C1_todësch


Chiló ciafëise n ejëmpl de na proa de comprenjiun tla letöra por talian:


Pröma pert
1_Test_C1_talian - 1_Plata de laur_C1_talian - 1_Soluziuns_C1_talian


Secunda pert
2_Test_C1_talian - 2 Plata de laur_C1_talian - 2_Soluziuns_C1_talian


Terza pert
3_Test_C1_talian - 3 Plata de laur_C1_talian - 3_Soluziuns_C1_talian

Bun da savëi

Sön les plates da dé jö dla proa de comprenjiun tla letöra él ma da mëte na crusc sön les respostes che i chiriëis fora o da inserí les dërtes lëtres tla tabela corespognënta. Vigni plata mëss resté daldöt anonima. Porchël ne pón nia sotrissé parores o perts dl test y gnanca ne fá sëgns de val' sort sön la plata.

Tratan l'ejam ne pól gní adoré no dizionars monolingual no bilingual.

Ciaredei ince ala tabela de autovalutaziun dl Cheder de referimënt europeich en comunanza por i lingac. Dailó ciafëise la descriziun dles competënzes damanades por vigni livel.

Pro l'ejam scrit él da scrí dui tesć tl lingaz dl ejam sön la basa de punc de contignü preformulá y n numer de parores dé dant:

  • na tuta de posiziun (ca. 250 parores)
  • na lëtra (ca. 120 parores)

I tesć mëss gní scric cun frases intieres sön les plates de laur che Ves vëgn partides fora; canche i ëis rové él da dé dant le numer dles parores.

Chisc é i criters de valutaziun di dui laurs scric:

  • ademplimënt dl compit;
  • coerënza y fluënza;
  • capazité d'espresciun (spectrum lessical);
  • coretëza gramaticala.

Chiló ciafëise n ejëmpl de na proa scrita por todësch y talian:


BUN DA SAVËI

Sön les plates de laur pól ma ester i dui tesć scric. Vigni plata de laur mëss resté daldöt anonima. Porchël ne pón nia scrí l'inom sön la plata o fá d'atri sëgns lassura.

Tratan i ejams ne pón nia adoré dizionars

Ciaredei ince ala tabela de autovalutaziun dl Cheder de referimënt europeich en comunanza por i lingac. Dailó ciafëise la descriziun dles competënzes damanades por vigni livel.

Contignü dl ejam

Dan l'ejam a usc ciafëise na plata cun dui argomënc por n referat cört y na minunga personala sön un n argomënt. Do la fasa de preparaziun de 10 menüc, mët man l'ejam a usc, olache i podëis s'anuzé dles anotaziuns che i s'ëis fat. Canche i ëis rové Osta esposiziun él la comisciun che se fej n valgönes domandes sön l'argomënt traté.

L'ejam mët man cun na picia presentaziun de se instësc, de chëra che an ne tignará nia cunt tla valutaziun.

Al vëgn valuté chëstes competënzes:


  • ademplimënt dl compit (completëza, capazité de comunicaziun);
  • coerënza y fluënza;
  • capazité d'espresciun (spectrum lessical);
  • coretëza gramaticala.

Pro vigni ejam él da ciaré da ne adoré nia le dialet.

Dorada dl ejam: 10 menüc

Chiló ciafëise n ejëmpl de na proa d'ejam a usc C1

BUN DA SAVËI

La proa a usc vëgn tuta sö por gní protocolada, sciöche preodü dai criters varënc aprová cun deliberaziun dla Junta provinziala n. 1386 di 20.12.2016.

Tratan i ejams ne pón nia adoré dizionars.

Ciaredei ince ala tabela de autovalutaziun dl Cheder de referimënt europeich en comunanza por i lingac. Dailó ciafëise la descriziun dles competënzes damanades por vigni livel.

Ejam scrit

  • Rové adalerch por tëmp y ora, se tó para n documënt d'identité varënt y n biro bröm o fosch.
  • Al é proibí da se tó para libri, dizionars, tablets o d'atri aparac eletronics.
  • Destodé le fonin y le mëte sön mësa.
  • Sté chic, a na moda da ne desturbé nia les atres porsones, nia baraté fora informaziuns impara y nia scrí jö.
  • Fá les domandes ala comisciun dadalt y a na moda tlera.
  • Nia mëte sëgns de reconescimënt (sëgns o simboi) sön les plates de laur, nia sotrissé parores o perts dl test, nia sotescrí. 
  • Mëte dötes les plates de laur tla gran coperta, scenó vëgn le laur anulé.
  • Dé jö les plates de laur anter le tëmp dé dant dala comisciun.
  • Scrí üsc dac personai sön la picia zetola; sotescrí impormó dan la comisciun canche i dëis jö.
  • Canche i sotescriëis la lista dles presënzes controlede che üsc dac personai sciöche la residënza, la misciun e-mail y le numer de fonin stimenëies bëgn.

Ejam a usc

  • Se presenté al ejam a usc dal'ora dada dant (se tó para le documënt de identité).
  • Tigní cunt dles indicaziuns dla comisciun por s'arjigné ca al ejam; chësc vëgn fat te n ater local. Plates y n biro por se scrí sö val' é a desposiziun.

.

Pudëis fé i cursc, ve nuzé di materiai o tò i pruvedimënc che ratëis che sibe adatei per arjonjer l livel de cumpetënza linguistica cris ora aldò di livei europeics. Cialëde do sun la plata dedicheda n generel ala tematica “Preparazion”. Iló giaperëis ndicazions y cunsëies de utl.

Tratan l'ejam ti vëgnel dé importanza ales capazités d'espresciun individuales che i podëis desmostré tres na produziun de test lëdia sides tla pert scrita che te chëra a usc.Por chësta rajun ne vëgnel nia scrit dant racoiüdes de parores o d'atri documënc liënc da s'arjigné ca al ejam, ajache an ti ciara dantadöt ales capazités comunicatives ti dui lingac. Por Ves dé n aiüt tratan la preparaziun al ejam unse metü a desposiziun n valgügn ejëmpli por vigni modul d'ejam. Chisc ciafëise sön la plata dla proa de comprenjiun tl ascuté sö, dla proa de comprenjiun tla letöra, dl ejam scrit y de chël a usc.

Le livel C1 vëiga danfora danterater chëstes competënzes: comprenjiun de de ri tesć, comprenjiun de significac implizic, espresciun fluënta, adoranza flessibla dl lingaz tla vita soziala, adoranza de mesi desvalis por colié n test.

Dantadöt por la preparaziun al ejam a usc podëise s'orienté a chëstes tematiches preodüdes dal Cheder de referimënt europeich en comunanza por i lingac por le livel C1:

  • argomentaziun de temesc soziai
  • familia y descriziun de rodi
  • cursc, formaziun, laur
  • cultura
  • sanité
  • iadi
  • mesi de comunicaziun moderns
  • alimentaziun

Chiló dessot ciafëise le numer de ores d'insegnamënt che an adora de regola por arjunje vigni livel.

 

Liví
LivelOres d'insegnamënt (da 45 menüc)
C1 (A) 800 - 1000
B2 (B) 600 - 800
B1 (C) 350 - 600
A2 (D) 200 - 350

I valurs de chësta tabela dess ma ester n aiüt por s'orienté.

Tan debota che ara vá da arjunje n cer livel depënn da tröc faturs, sciöche por ejëmpl dala lezitënza, dala motivaziun y dal interes personal. Ince l'eté é importanta, les porsones adultes impara normalmënter plü debota y a na moda plü compata co i pici. Implü mësson ince tigní cunt dl'intensité dl insegnamënt y dl lessich.

 

Livel C1 - Adoranza linguistica competënta aladô de CREC (Cheder de referimënt europeich en comunanza por i lingac)

  • Capësc n numer ampl de ri tesć y de tesć lunc y ince significac implizic.
  • Sá da baié spontaneamënter y te na manira fluënta, zënza se stenté da ciafé les dërtes parores.
  • Sá da adoré le lingaz tla vita soziala y profescionala o tla formaziun y tl stüde a na moda flessibla y efiziënta.
  • Sá da baié te na manira tlera, strotorada y detaiada de cosses complesses y da adoré a na moda adatada mesi desvalis por le coliamënt testual.

Tabela por l'autovalutaziun

CAPÍ
Aldí: I sun buna/bun da capí sce zacai baia plü dî, ince sce le discurs n'é nia strotoré te na manira tlera y sce al mancia coliamënc esplizic. I sun buna/bun da capí trasmisciuns tla televijiun y films zënza me stenté plü co intant.
Lí: I sun buna/bun da capí tesć tematics y tesć leterars lunc y complesc y perzepí les desfarënzies stilistisches. I sun buna/bun da capí articui spezialisá y indicaziuns tecniches plü lunges, ince sce ares ne fej nia pert de mi ciamp spezifich.

BAIÉ
Tó pert a conversaziuns: I sun buna/bun da baié spontaneamënter y coretamënter, zënza messëi chirí plü sovënz do parores. I sá da adoré le lingaz cun flessibilité y efiziënza tla vita soziala y profescionala. I sá da porté dant mies minunghes y mi pinsiers a na moda prezisa y colié mi contribuc cun chi di atri.
Baié cun coliamënc: I sá da porté dant avisa cosses complesses y colié punc tematics un cun l'ater, da svilupé cer aspec te na manira particolara y da stlüje jö mia relaziun a na moda adatada.

SCRÍ
I sun buna/bun da scrí te na manira strotorada indortöra y tlera y porté dant avisa mia opiniun. I sá da scrí te lëtres, componimënc o relaziuns de cosses complesses y da alzé fora i aspec plü importanc por me. I sá da chirí fora ti tesć scric le stil adaté a vigni leturia/letur.

Aspec cualitatifs dl'adoranza dl lingaz a usc

Amplëza dl lessich: ara/al á n gran repertore lessical da chël che ara/al pó chirí fora la formulaziun adatada por baié a na moda tlera y adatada de tröc argomënc generai, scientifics y profescionai o dl tëmp lëde, zënza messëi se limité te ci che ara/al dij.

Coretëza: ara/al mantëgn tresfora n livel alt de coretëza gramaticala; ara/al fej ma dainré fai, de chisc ne s’intënon feter gnanca y ai vëgn de regola atira comedá.

Fluënza: ara/al se fej saurí da baié spontaneamënter y coretamënter; ma argomënc cun conzec dër ri pó influenzé le flus linguistich natural.

Interaziun: ara/al é buna/bun da chirí fora da n repertore sambëgn danman de mesi de discusciun n'espresciun adatada por introdüje sciöche al alda ci che ara/al ó dí , sce ara/al ó tó la parora o rajoné inant, o por colié indortöra sü contribuc cun chi de n’atra porsona.

Coerënza: ara/al sá da baié a na manira tlera, coreta y strotorada bun y da adoré i mesi de coliamënt y de strotoraziun.