Reconescimënt de titui de stüde

Impede fá l'ejam de bilinguism de livel C1 (livel A da n iade) vára da se fá reconësce dui titui de stüde, un n todësch y un n talian. Te chësc caje ne vára nia debojëgn da fá ejams surapró.

Combinaziuns poscibles:

  • diplom de maturité arjunt te un n lingaz y diplom universitar de pröm degré arjunt tl ater lingaz,
  • diplom universitar de pröm degré te un n lingaz y master de secundo degré tl ater lingaz.


La condiziun che vá debojëgn é che altamo l’80% dl stüde o di ejams sides gnüs fac tl lingaz damané. Chësc vëigon sön le plann de stüde che é da injunté ala domanda y da chël che al resultëia ince le lingaz d’ejam relatif y le credit formatif arjunt (CFU).


BUN DA SAVËI

Al ne vëgn nia reconesciü chisc stüdi, deache ai ne vëgn en gran pert nia tignis te un di dui lingac (talian o todësch):

  • le stüde te trëi lingac tl'Univerité Lëdia de Balsan
  • le stüde te dui lingac tla Scora Alta de Sanité “Claudiana”
  • le stüde bilingual integré de iurisprudënza ("integriertes Diplomstudium der Rechtswissenschaften") tl'Université de Desproch

 

 

Ejëmpli

Matura por talian

+ stüde universitar por todësch

  • laurea aladô dl ordinamënt de stüde vedl y nü
  • laurea spezialistica/laurea magistrala aladô dl ordinamënt de stüde vedl y nü

Matura por todësch

+ stüde universitar por talian

  • laurea aladô dl ordinamënt de stüde vedl y nü
  • laurea spezialistica/laurea magistrala aladô dl ordinamënt de stüde vedl y nü

Laurea aladô dl ordinamënt de stüde vedl y nü por talian

+ stüde universitar por todësch

  • dotorat d’inrescida
  • cursc de spezialisaziun
  • master universitar de secundo degré

Laurea aladô dl ordinamënt de stüde vedl y nü por todësch

+ stüde universitar por talian

  • dotorat d’inrescida
  • cursc de spezialisaziun
  • master universitar de secundo degré

Laurea spezialistica/Laurea magistrala aladô dl ordinamënt de stüde vedl y nü por talian

+ stüde universitar por todësch

  • dotorat d’inrescida
  • cursc de spezialisaziun
  • master universitar de secundo degré

Laurea spezialistica/Laurea magistrala aladô dl ordinamënt de stüde vedl y nü por todësch

+ stüde universitar por talian

  • dotorat d’inrescida
  • cursc de spezialisaziun
  • master universitar de secundo degré

Che?

Dötes les porsones interessades - anfat de ci nazionalité - che á i titui de stüde preodüs pó te vigni momënt damané do le reconescimënt de titui de stüde por ciafé l'atestat de bilinguism A.

Co?

I podëis damané do online clican sön le link Iscriziun online y chiron fora Reconescimënt de titui de stüde. I podëis injunté na copia di titui de stüde, sciöche ince le plann de stüde da chël che an vëiga te ci lingaz che i ëis fat i ejams.

Olá?

Les domandes pó ma gní dades jö pro le Sorvisc d'ejams de bi-y trilinguism tla via Dr.-Julius-Perathoner 10, 39100 Balsan, tla secunda alzada dl frabicat tl parch danter la staziun dla ferata y la staziun dla coriera (linies dl bus dla SASA: 6, 7, 9, 11, 12, 16, 183).

Can?

La domanda de reconescimënt de titui de stüde pó gní fata te vigni momënt y ara vëgn tuta en conscidraziun te n ordin cronologich. I tëmps d'elaboraziun dles domandes depënn dala sort de titui de stüde da valuté. An pó contaté la porsona de referimënt dada dant sön la confermaziun de recioiüda y an ciafará informaziuns plü avisa sön co che ara stá cun la domanda y sön tan dî che ara döra ciamó.

Jí a se tó l'atestat de bilinguism

An pó jí a se tó l'atestat de bilinguism pornanche an ciafa nosta comunicaziun tres e-mail.