L ejam de bilinguism

I ejams de bilinguism ie unic istituii tl 1976 tres l D.P.R. n. 752 di 26 de lugio 1976 n atuazion dl Statut d'autonomia y vën dejëuc dal 1977. 
L ejam de bilinguism atestea la cunescënza sibe dl lingaz tudësch sibe dl lingaz talian. I cater livei de cunescënza dl lingaz dl ejam de bilinguism ie: C1, B2, B1, A2. I curespuend ala cunescënzes che ie de bujën per l titul de stude preudù dai chedri prufesciunei dl'aministrazion publica. Per pudëi lauré tl'aministrazion publica tl Südtirol muessen avëi l atestat dl bilinguism.

Che?

Dötes les porsones interessades pó te vigni momënt se scrí ite al ejam de ladin. L'amisciun al ejam de ladin n'é nia liada a n titul de stüde. Sce an ó fá n ejam che ne ti corespogn nia al titul de stüde arjunt, pón zënzater le fá.

Co?

Mo an pó ma se scrí ite al ejam de n livel su. N iade che an á fat l'ejam pón se scrí ite danü al medemo ejam o al ejam de n ater livel.

I podëis se scrí ite al ejam de ladin independentemënter dal’iscriziun al ejam de bilinguism. An pó se scrí ite te vigni momënt online cun SPID.

Le calënder d'ejam vëgn lauré fora eletronicamënter aladô dl ordin cronologich. I tëmps da aspeté depënn dal numer de porsones scrites ite por i singui liví. De plü informaziuns é da ciafé cherdan sö le 0471 413900 o tres e-mail a: ebt@provincia.bz.it.

L’ejam de ladin é debann.

Olá?

La sora sënta di ejams é a Balsan tla strada Dr. Julius Perathoner 10, tla secunda alzada dl frabicat tl parch dan la staziun dla ferata; an röia adalerch saurí cun la coriera.

Can?

I ejams de ladin vëgn fac plü o manco un n iade al mëis y mët man dagnora dales 8:45.

Sce i ne sciafiëis nia da fá l’ejam le de dé dant, podëise sburlé un n iade su la data dl ejam cherdan so o ortian na e-mail. La data dl ejam pó ince gní antizipada por tó pert a n concurs publich.

Problems cun la data d’ejam

Resultat dl ejam

Le resultat dl ejam vëgn lascé alsavëi: te trëi dis da laur do la data dl ejam, por scrit tres e-mail y/o n sms de notificaziun che ves inviëia a jí ite, tres SPID, te osc raiun personal de myCIVIS por lí le resultat. I ciafarëis ince les valutaziuns dla comisciun d’ejam y l’atestat de presënza.

L'atestat dl ejam de ladin

Sce i ëis passé l’ejam é osc atestat de trilinguism tl format digital diretamënt te osc raiun personal de myCIVIS. Chësc documënt vel a livel iuridich ma tl format digital. Chësc ó dí che al ne vá nia debojëgn da gní te nüsc ofizi a do l'atestat sön papier, ajache sëgn é l’atestat digital original.

Preparaziun

Al ó ester na bona preparaziun por passé l'ejam.

40 AGN DE EJAMS

Dl 2017 á i ejams de bi- y trilinguism complí 40 agn da süa introduziun tl’aministraziun provinziala.
Te chisc agn é i ejams gnüs reformá de plü iadi y les novités á albü le fin da adaté tres deplü l’ejam ai bojëgns dla vita reala y aldedaincö él ejams moderns, che ti corespogn ai zertificac linguistics aladô dl CREC.