Ejam de ladin livel C1

L’ejam de livel C1 ti corespogn al livel funzional dl'aministraziun publica, por chël che al vëgn normalmënter odü danfora le diplom de laurea. Eté minimala: 17 agn le de dl'iscriziun.

L'iscriziun al ejam de ladin n'é nia liada a n livel d'istruziun.

Al é da ester dër puntuai. Da se tó para él n documënt d'identité varënt y n biro fosch o bröm.

Proa de comprenjiun tl ascuté sö: 10 menüc.

Proa scrita: n ressumé, presentaziun dl'opiniun personala sön le test che an á ciafé por talian o todësch, sciöche ince n test da implí les loces por ladin, 90 menüc.

Do che i ëis stlüt jö la proa scrita, gnarál metü fora i orars dla proa a usc sön la tofla aposta dlungia üsc.

Proa a usc: proa de comprenjiun de n test, na plata de laur y domandes lëdies, 20 menüc y de chisc 10 por s'arjigné ca.

 

 

 

Pro la proa de comprenjiun tl ascuté sö mësseise respogne a cater domandes sön n test de ca. n menüt y mez che i ascutarëis ma un n iade. Do l'avëi ascuté sö messarëise chirí fora danter cater respostes la dërta resposta mëton na crusc.

Chiló ciafëise n valgügn ejëmpli sön la proa de comprenjiun tl ascuté sö:

Ladin de Gherdëna

Ejëmpl 1: 1_Ascute_C1_Ghe-Lad [Audio] - 1_Platalaur_C1_Ghe-Lad - 1_Soluziun_C1_Ghe-Lad
Ejëmpl 2: 2_Ascute_C1_Ghe-Lad [Audio] - 2_Platadelaur_C1_Ghe-Lad - 2_Soluziun_C1_Ghe-Lad

 

Ladin dla Val Badia

Ejëmpl 1: 1_Ascute_C1_VB-Lad [Audio] - 1_Platadelaur_C1_VB-Lad - 1_Soluziun_C1_VB-Lad
Ejëmpl 2: 2_Ascute_C1_VB-Lad [Audio] - 1_Platadelaur_C1_VB-Lad - 2_Soluziun_C1_VB-Lad

 

BUN DA SAVËI

Sön les plates de laur dla proa de comprenjiun tl ascuté sö pón ma mëte les crusc dlungia les dërtes respostes. Vigni plata mëss romagne daldöt anonima y porchël ne pón nia sotrissé le test o ajunté val' sëgn o indicaziun. Tratan i ejams ne pón nia adoré dizionars.

Le de dl ejam ciafëise n test, trat fora dala racoiüda ofiziala aladô dl prinzip de cajualité, y trëi compic liá al test:

  • n ressumé dles informaziuns plü importantes dl test (100-120 parores)
  • na tuta de posiziun sön l’argomënt dl test (140-160 parores)
  • n test da completé (ca. 100 parores)

Dorada: 90 menüc

Al é da scrí frases intieres. Ala fin dl compit scrit mëssel gní dé dant le numer dles parores.

Ala fin dl ejam scrit ti mëss le test gní dé jö ala comisciun.

Chiló ciafëise n valgügn ejëmpli dla proa scrita:

LADIN DE GHERDËNA

Ejëmpl 1 todësch - ladin de Gherdëna: 1_Platadelaur_C1_GH_DE - 1_Soluziun_C1_Ghe_DE
Ejëmpl 2 todësch - ladin de Gherdëna: 2_Platadelaur_C1_GH_DE - 2_Soluziun_C1_Ghe_DE

Ejëmpl 1 talian - ladin de Gherdëna: 1_Platadelaur_C1_GH_IT - 1_Soluziun_C1_Ghe_IT
Ejëmpl 2 talian  - ladin de Gherdëna: 2_Platadelaur_C1_GH_IT - 2_Soluziun_C1_Ghe_IT

 

LADIN DLA VAL BADIA

Ejëmpl 1 todësch - ladin dla Val Badia: 1_Platadelaur_C1_VB_DE - 1_Soluziun_C1_VB_DE
Ejëmpl 2 todësch - ladin dla Val Badia: 2_Platadelaur_C1_VB_DE - 2_Soluziun_C1_VB_DE

Ejëmpl 1 talian - ladin dla Val Badia: 1_Platadelaur_C1_VB_IT - 1_Soluziun_C1_VB_IT
Ejëmpl 2 talian - ladin dla Val Badia: 2_Platadelaur_C1_VB_IT - 2_Soluziun_C1_VB_IT

 

BUN DA SAVËI

Vigni plata mëss romagne daldöt anonima y porchël ne pón nia sotrissé o ajunté val' sëgn o indicaziun.

Tratan i ejams ne pón nia adoré dizionars.

Ejam a usc cun lapró la proa de comprenjiun de n test: 20 menüc, de chisc 10  por la preparaziun.

Proa de comprenjiun dl test: i ciafëis na plata de laur cun n test por ladin y cater domandes, olache trëi se referësc al contignü dl test y öna vëgn tuta ca por mëte man l'ejam a usc.

Ejam a usc: naota ves vëgnel damané da se presenté en cört. Atira dedô ves vëgnel fat la cuarta domanda dla plata de laur y, pian ia da chësta, metará man na conversaziun tratan chëra che i podarëis adoré les notizes che i s'ëis fat tratan che i s'ëis arjigné ca. Tla secunda pert dl ejam ves vëgnel fat domandes lëdies.

Al vëgn valuté chëstes competënzes:

  • ademplimënt di compic (completëza, capazité de comunicaziun)
  • coerënza y fluidité
  • capazité d'espresciun (spectrum lessical)
  • coretëza gramaticala

Chiló ciafëise n valgügn ejëmpli por la proa a usc C1.

Ejëmpl 1 Ladin de Gherdëna
Ejëmpl 2 Ladin de Gherdëna

Ejëmpl 1 Ladin de Val Badia
Ejëmpl 2 Ladin de Val Badia

BUN DA SAVËI

Tratan i ejams ne pón nia adoré dizionars.

Indicaziuns sön co se comporté tratan l’ejam.

Ciarede do tla seziun sön co s’arjigné ca al ejam; iló ciafarëise consëis, indicaziuns y links d’öga.

Dantadöt por la preparaziun al ejam a usc podëise s'orienté a chëstes tematiches preodüdes dal Cheder de referimënt europeich en comunanza por i lingac por le livel C1:

  • argomentaziun de temesc soziai
  • familia y descriziun de rodi tla sozieté
  • cosć, formaziun, laur
  • cultura
  • sanité
  • iadi
  • mesi de comunicaziun moderns
  • alimentaziun

Controlede la tabela de autovalutaziun linguistica dl Cheder de referimënt europeich en comunanza por i linagc, olache al vëgn descrit avisa les competënzes damanades por vigni livel.