Iscriziun al ejam de bilinguism y al ejam de ladin

Dan l’iscriziun

Mineste da ester arjigné/arjignada ca al ejam? Sön chësta plata poste ciaré do sce tües conescënzes linguistiches ti corespogn bëgn al livel che te as chirí fora.

SORVISC ONLINE: iscriziun al ejam – domanda de reconescimënt de zertificac linguistics o titui de stüde

L'iscriziun al ejam, la domanda de reconescimënt de zertificac linguistics o titui de stüde pó gní fata saurí y debota online, ajache i podëis ortié la domanda diretamënter dal osc computer, tablet o smartphone clican chiló.
Iscrizione online Inant al sorvisc online

Do l’iscriziun

Na buna preparaziun é d'importanza fondamentala por dé jö n bun ejam. Sön la plata che reverda la preparaziun al ejam ciafeste tröc consëis che pó ester d'ütl.

NOVITÉ

D’agost dl 2019 devënta l'atestat de bi- y trilinguism digital. Le documënt vel a livel legal y pó gní ortié por e-mail. I n’ëis nia plü bria da gní te nosc ofize a do l’atestat, ajache i le ciafëis diretamënter tl format digital sciöche documënt intunté te na e-mail. Te osc raiun privat sön myCIVIS ciafarëise ince le resultat dl ejam, les valutaziuns dla comisciun d’ejam y le zertificat de presënza.

Dai 8 d’agost dl 2019 incá pó che che n’á nia ciamó cumplí 18 agn ma plü se scrí ite tres SPID di geniturs.

Che che n’á nia la residënza y/o le codesc fiscal pó adoré i formulars sön papier por se scrí ite.