Problems cun la data dl ejam

Sburdlé a plu tert la data dl ejam

Ve arëis bele ntendù che l nes ie garatà, cun vosc aiut, de smendrì i tëmps d'aspiteda. Acioche pudon mantenì chësta situazion fajënes al savëi debota sce ne pudëis nia unì n l dì dl ejam. Tl tëmp de 30 dis possa l ejam mé unì sburdlà un n iede.

Tel. 0471 413900 – el@provinzia.bz.it

Giapëis debota n terminn nuef.

L post che ie deventà liede ti possa unì metù a despusizion a zachei d'autri y a chësta moda pudons mantenì bassa la cumpëida dla persones assëntes. La cumiscions possa mé lauré a na maniera efizienta sce la tlasses ie metudes adum uni dì dal medemo numer de candidates/candidac.


Spusté l ejam a na data plu daujin

Aldò di criteres per la valutazion y l azertamënt dla cunescënza dla doi rujenedes talian y tudësch - art. 3 dl DPR di 26 de lugio 1976 n. 752 n forza, publicà tl Buletin n. 2/IV di 13 de jené 2014 - possa l ejam - tl cajo de na partezipazion a n cuncors publich - unì spustà a n terminn plu bonorif. (*) Nuzëve per chësc prëibel dl formuler aposta y tenive ala ndicazions.

 

BON A SAVËI

  • Ejam de una na rujeneda/ Ejam standard: spusté a na data plu bonoriva l ejam, ie mé puscibl sce la cumpëida mascima dla candidates/di candidac per tlas y livel ne ie nia bele unida arjonta. N cunsiëia perchël de se nfurmé a tëmp y ëura avisa n cont dl calënder atuel di ejams. I ejams vën fac uni dì, ma nia for per duc i livei d'ejam.

 

(*) sce l ie la cundizions urganisatives!