Livel C1 (livel A da n iade)

L ejam de bilinguism C1 (livel A da n iade) atestëia les conescënzes linguistiches aladô dles competënzes dl livel C1 dl Cheder de referimënt europeich en comunanza por i lingac. L atestat de bilinguism A se referësc a chëi livei de funzion dl'aministrazion publica per chëi che l ie de bujën n titul universiter. L'età minima ie de 17 ani tl mumënt dla iscrizion.
L'amiscion al ejam de bilinguism ne ie nia lieda a na maniera strënta al livel de istruzion. Chi che uel fé n auter ejam de chël curespundënt a si titul de stude possa zënzauter l fé.

Ndicazions sun l'urganisazion


I ejams vëgn ma fac te nosta sënta a Balsan, strada Perathoner 10, tla secunda alzada, y mët man dales 8.30.

L ie assolutamënter de bujën de unì a tëmp y ëura. Tulëde pea n documënt d'identificazion che vel y na biro bruma o foscia.

Co ie pa struturà l ejam?

L ejam scumëncia cun la proa de cumprenscion tl scuté su che dura n 20 menuc.

Dadedò vëniel fat l ejam scrit. L cuntën nce na proa de comprenscion tla letura. L tëmp a despusizion ie de 120 menuc.

Do che ëis fat l ejam scrit, uderëis tacà ora dan tlas da c'ëura che arëis l ejam a usc.
Aldò dla cumpëida dla candidates y di candidac possel suzeder che i ejams a usc scumënce bele sun l tert danmesdì.
Do la pausa de mesdì dala 12.30 ala 13.30 va i ejams pona inant.

L ie udù danora 15 menuc de tëmp per la preparazion y 15 menuc de tëmp per l ejam.

L resultat vën fat al savëi per scrit tres na e-mail nchin a trëi dis de lëur do la data dl ejam.

Pra la proa de cumprenscion tl scuté su audiëis n test rujenà per talian y un per tudësch. Messëis fé na crëusc pra la drëta respostes tla medema rujeneda dl test.

La proa de cumprenscion dl test ie strutureda nsci: Liejer la plata de lëur cun la dumandes multiple choice, scuté su l test rujenà, fé na crëusc pra la respostes. Audirëis mé un n iede l test rujenà.

Tlo giapëis i ejëmpli dla proa da scuté su:

Ejëmpl 1
1_Auscute_C1_talian [audio] - 1_Sföi_de_laur_C1_talian - 1_soluziuns_C1_talian
1_Ascute_C1_todësch [audio] - 1_Sföi_de_laur_C1_todësch - 1_soluziuns_C1_todësch
Ejëmpl  2
2_Ascute_C1_talian [audio] 2_ Sföi_de_laur_C1_talian2_Soluziuns_C1_talian
2_Ascute_C1_todësch [audio]2_Sföi_de_laur_C1_todësch 2_Soluziuns_C1_todësch
Ejëmpl  3
3_Ascute_C1_talian [audio]3_ Sföi_de_laur_C1_talian - 3_Soluziuns_C1_talian
3_Ascute_C1_todësch [audio]3_Sföi_de_laur_C1_todësch 3_Soluziuns_C1_todësch


BON A SAVËI

Sun la plates de lëur daussel mé unì metù na crëusc sun la respostes crisses ora. Uni plata de lëur muessa resté anonima defin. Perchël ne daussen nia sotscrì, sotrissé pertes dl test o junté vel' sort de sënies.

Ntan l ejam ne iel nia preudù de pudëi adurvé diziuneres vocabuleres.

Tenide nce cont dla tabela d'autovalutazion dl Cheder de referimënt europeich n cumenanza per i lingac. Iló giapëis la descrizions dla cumpetënzes singules per uni livel.

Chësta pert dl ejam vën fata sun la plata dla proa scrita. I tesć d'ejam vën crisc ora uni di da nuef aldò dl cajo dala culezion de tesć ufiziela. L ve vën metù dant respetivamënter n test tla rujeneda tudëscia cun dumandes per talian y n test tla rujeneda taliana cun dumandes per tudësch. L vën verificà cun la dumandes 1 y 2 la cumprenscion n generel y cun la dumanda 3 la cumprenscion ala menuda cun respostes da crì ora o auternatives "drët" o "falà".

Per respuender ala dumandes ne iel nia de bujën che uni parola dl test vënie ntenduda. L travert de chësta pert dl ejam ie chël de ntënder y nterpreté n test adatà al livel cris ora nce zënza na padrunanza perfeta dl lingaz.

Ejëmpli per la proa de letura:

Ejëmpl 1
1_proa_scrita_C1_talian
1_proa_scrita_C1_todësch

Ejëmpl 2
2_proa_scrita_C1_talian
2_proa_scrita_C1_todësch

Ejëmpl 3
3_proa_scrita_C1_talian
3_proa_scrita_C1_todësch

Ejëmpl 4
4_proa_scrita_C1_talian
4_proa_scrita_C1_todësch

Ejëmpl 5
5_proa_scrita_C1_talian
5_proa_scrita_C1_todësch

Ejëmpl 6
6_proa_scrita_C1_talian
6_proa_scrita_C1_todësch

 


BON A SAVËI

Sun la plates de lëur dl ejam scrit daussen mé mëter na crëusc sun la respostes crisses ora o juntà la paroles che mancia. Uni plata de lëur muessa resté anonima defin. Perchël ne daussen nia sotscrì la plata, sotrissé pertes dl test o junté sënies de ce sort che mei.

L ne ie nia preudù de pudëi se nuzé de vocabuleres y diziuneres ntan l ejam.

Tenide nce cont dla tabela d'autovalutazion dl Cheder de referimënt europeich n cumenanza per i lingac. Iló giapëis la descrizions dla cumpetënzes singules per uni livel.

 

Giapëis n test per uni rujeneda. Chisc tesć vën crisc ora a cajo dala culezion de tesć ufiziei. La plates cun i tesć cuntën ora che i tesć nce compic defrënc che ie da ressolver respetivamënter tl'autra rujeneda. I compic reverda chësta cumpetënzes:

  • curetëza linguistica: Cumpleté n testes a loces (dumanda 4);
  • Tëuta de posizion sun la tematica dl test (140-160 paroles): La candidates/I candidac dà sëura la cumpëida dla paroles ala fin dla produzion dl test (dumanda 5).

Chësta capaziteies vën valutedes:

  • Dejëujamënt dl duvier (cuntenut y cuantità)
  • Strutura y coerënza
  • Esprescion (lessich)
  • Curetëza gramatichela

Ejëmpli per la proa scrita:

Ejëmpl 1
1_proa_scrita_C1_talian
1_proa_scrita_C1_todësch
 

Ejëmpl 2
2_proa_scrita_C1_talian
2_proa_scrita_C1_todësch
 

Ejëmpl 3
3_proa_scrita_C1_talian
3_proa_scrita_C1_todësch

Ejëmpl 4
4_proa_scrita_C1_talian
4_proa_scrita_C1_todësch

Ejëmpl 5
5_proa_scrita_C1_talian
5_proa_scrita_C1_todësch

Ejëmpl 6
6_proa_scrita_C1_talian
6_proa_scrita_C1_todësch

 

Ala fin dl ejam scrit muessa i tesć y la plates dla proa de cumprenscion tl scuté su unì dac ju ala cumiscion cun i elaborac dla proa scrita.

La revista ADESSO, spezialisada tl aprendimënt dl talian, á presenté nosc ejam tl numer de forá dl 2019 y publiché dui tesć nüs dl livel C1, un por talian y un por todësch che reverda la proa scrita (comprenjiun dl test y coretëza linguistica).

BON A SAVËI

Sun la plates de lëur dl ejam scrit daussen mé fé na crëusc pra la respostes crisses ora o junté la paroles che mancia. Uni plata de lëur muessa resté anonima defin. Perchël ne daussen nia sotscrì, sotrissé pertes dl test o njunté sënies de ce sort che mei.

Ntan i ejams ne iel nia preudù che n posse se nuzé de vocabuleres o diziuneres.

Tenìde nce cont dla tabela d'autovalutazion dl Cheder de referimënt europeich n cumenza per i lingac. Iló giapëis la descrizions dla cumpetënzes singules per uni livel.

 

Cuntenut dl ejam

Dan l ejam a usc giapëis na plata cun duvieres sun doi tematiches. Pudëis crì ora te ciuna dla doi rujenedes che ulëis dejëujer la prima tematica. La segonda tematica messerëis pona svilupé tl'autra rujeneda. L ejam a usc scumencerà do che ëis pudù ve njinië per 15 menuc. Pra l ejam pudëis adurvé vosta anutazions. L ejam scumëncia cun na prejentazion curta che ne vën a uni moda nia valuteda. L vën valutà chësta capaziteies:

  • Ademplimënt dl duvier (amplieza, capazità de cunversazion)
  • Coerënza y fluidità
  • Esprescion (aspet lessichel)
  • Cureteza gramatichela

Pra duc i ejams muessel unì rujenà l lingaz standard.

Pra l ejam a usc possa i cumëmbri dla cumiscion d'ejam fé dumandes te tramedoi rujenedes sun la tematiches njiniedes.

Ejëmpli de na plata de lëur per l ejam a usc C1:

BON A SAVËI

La cunversazion dl ejam a usc vën tëuta su per rejons de protocolazion. Chësc vën fat aldò di criteres n forza che ie unic apurvei cun la deliberazion dla Jonta provinziela n. 1386 di 20.12.2016.

Ntan i ejams ne iel nia preudù che n posse se nuzé de vocabuleres o diziuneres.

Tenide nce cont dla tabela d'autovalutazion dl Cheder de referimënt europeich n cumenanza per i lingac. Iló giapëis la descrizions dla cumpetënzes singules per uni livel.

Ejam scrit

  • Unì a tëmp y ëura, tò pea n documënt persunel che vel y na biro bruma o foscia.
  • Libri, vocabuleres, tablet o d'autri njins eletronics ne vën nia lascei pro.
  • Destudé l fonin y l mëter sun mëisa.
  • Fé a chiet acioche l'autra candidates/i autri candidac ne vënie nia desturbei, ne se baraté nia ora nfurmazions cun l'autra candidates/i autri candidac y ne scrì nia ju.
  • Tl cajo de dumandes ala cumiscion, les fé adaut y a na maniera tlera.
  • Ne fé no vel' sënies sun la plates de lëur, ne sotrissé nia vel' pertes dl test, ne sotscrì no. 
  • Mëter duta la plates de lëur y de protocol tla cuverta, sce no vën l lëur anulà.
  • Dé ju la plates de lëur tl tëmp dat dant dala cumiscion.
  • Scrì ora la plata cun i dac persunei; sotscrijëis permò dan la cumiscion canche dajëis ju l lëur.
  • Canche sotscrijëis la lista de presënza cuntrolé che vosc dac persunei, l'adres de residënza, l'adres de posta eletronica y l numer de fonin sibe drëc.

Ejam a usc

  • Unì a tëmp y ëura pra l ejam a usc (tò pea n documënt persunel).
  • Tenì cont dla ndicazions dla cumiscion per la preparazion dl ejam; chësc vën tenì te n'autra tlas. Papier y rispli vën metui a despusizion.

I podëis chirí fora i cursc, i materiai  o i provedimënc che i aratëis d’öga por arjunje le livel de competënza linguistica chirí fora aladô di liví europeics. Ciarede do sön la plata che reverda chësc  argomënt: “S’arjigné ca al ejam”. Chiló ciafëise indicaziuns y consëis. 

L ejam ti dà mpurtanza ala capaziteies d'esprescion ndividueles; la candidates y i candidac possa desmustré d'avëi chësta capaziteies sibe tla proa scrita che te chëla a usc te na produzion liedia de n test. Perchël ne dajons per la preparazion al ejam nia dant culezions de paroles o auter. Tl zënter ie dantaldut la capaziteies de comunicazion tla doi rujenedes.

Per sustenì la candidates y i candidac tla preparazion ons metù a despusizion trëi ejëmpli per uni modul d'ejam. Chisc pudëis udëi respetivamënter sun la plata dla proa de cumprenscion tl scuté su, dla proa de cumprenscion dla letura sciche nce sun la plates dl ejam scrit y dl ejam a usc.

L livel C1 vëij danora danter l auter: Cumprenscion de tesć de na cërta deficultà, ntendimënt de senificac mplizic, esprescion fluenta, adurvanza flessibla dl lingaz tla vita soziela, adurvanza de mesuns de cunliamënt dl test defrënc.

Dantaldut per la preparazion al ejam a usc pudëis ve urienté aldò de chësta tematiches ora dl Cheder de refrimënt n cumenanza per l livel C1:

  • Argumentazion sun tematiches sozieles
  • Familia y descrizion de rodui
  • Spëises, furmazion, prufescion
  • Cultura
  • Sanità
  • Viages
  • Media de comunicazion nueves
  • Alimentazion

I  ejams a usc é publics. Te pos porchël canchemai jí a ascuté sö pro vigni ejam por te fá n'idea de sciöche al vëgn tigní. Pro nosc Infopoint te dunse ion informaziuns sön les dates y i orars dl livel d'ejam che t'interessëia.

Tlo dessot udëis l numer de ëures che ie de regula de bujën per arjonjer n cër livel.

Livel
Livelëures de nseniamënt (da 45 menuc)
C1 (A) 800 - 1000
B2 (B) 600 - 800
B1 (C) 350 - 600
A2 (D) 200 - 350

I valores de chësta tabela dëssa mé vester n aiut per se urienté.

Tan riesc che l vën arjont n cër livel depënd da truep fatores, sciche per ejëmpl dala lezitënza, dala mutivazion y dal nteres. Nce l'età ie mpurtanta, i granc mpera normalmënter plu a slune y a na moda plu cumpata che i mëndri. Oradechël messons tenì cont nce dla ntensità dl nseniamënt y dl lessich.

Adurvanza cumpetënta dl lingaz - Livel C1 aldò dl CREC (Cheder de referimënt europeich n cumenanza per i lingac)

  • Vester boni de ntënder na variazion de tesć plu lonc y cumplesc y recunëscer senificac mplizic.
  • Vester boni de purté a esprescion cuntenuc a na maniera spontana y fluenta zënza messei crì paroles a na moda che n se ntënd.
  • Vester boni de adurvé la rujeneda tla vita soziela y prufesciunela o tla furmazion y tl stude a na maniera efizienta y flessibla.
  • Vester boni de comuniché a na maniera tlera, strutureda y ampla sun tematiches y situazions cumplesses se nuzan sciche l toca di mesuns defrënc de cunliamënt dl test.

Tabela d'autovalutazion

NTËNDER
Scuté su: Vester boni de capì cuntribuc linguistics plu lonc, ënghe sce chisc ne ie nia struturei a na maniera tlera y sce i liams ne ie nia purtei a esprescion a na maniera esplizita. Vester boni, zënza de gran deficulteies, de ntënder trasmiscions televijives y films.

Liejer: Vester boni de capì tesć lonc y cumplesc y rezepì defrënzies stilistiches. Vester boni de ntënder articuli spezialisei y ndicazions tecniches plu longes nce sce i ne trata nia de mi ciamp de cumpetënza. 

RUJENÉ

Tò pert a na cunversazion: Savëi da comuniché a na maniera spontana y fluenta zënza messëi plu suvënz crì paroles a na moda che n se ntënde. Vester boni de adurvé la rujeneda tla vita soziela y prufesciunela a na maniera efizienta y flessibla. Vester boni de purté a esprescion si pensieres y minonghes a na maniera prezisa y cunlië cie che n dij nstësc cun i cuntribuc di autri.  

Rujené a na maniera cunlieda: Savëi da reprejenté fac y situazions cumplesses a na moda ampla y tlera y cunlië pertes tematiches, tlarì cër aspec spezifics y purté a cuntlujion l cuntribut a na maniera adecuata.

SCRÌ
Vester al'autëza de purté a esprescion cuntenuc tla rujeneda scrita a na maniera tlera y strutureda y prejenté na minonga a na maniera ampla y defrenzieda. Vester boni de scrì te lëtres, temes y relazions de fac y situazions cumplesses y auzé ora la pertes plu mpurtantes. Vester boni de crì ora per n test scrit l stil adatà per la/i letëures defrënc.

Aspec cualitatifs dl'adurvanza dl lingaz a usc

Spana de mesuns: Avëi na spana lergia de mesuns linguistics da chëla pudëi crì ora la formulazions adatedes per purté a esprescion a na maniera tlera y adateda na gran varietà de tematiches genereles, scientifiches y prufesciuneles o sun tematiches dl tëmp liede zënza messëi se limité te chël che n uel dì.

Curetëza: Vester boni de mantenì n livel aut de curetëza gramatichela; i fai ie reres, ne dà nia tl uedl y vën de regula cumedei nstësc.

Fluidità: Vester boni de purté a esprescion cuntenuc a na maniera spontana y fluenta zënza deficultà; mé tematiches ries possa desturbé l flus linguistich naturel.

Interazion: Vester boni de de crì ora la drëta formulazion ora de n repertore de mesuns de descurs per nvië via na afermazion canche n uel tò o tenì la parola o per cunlië  cun fortl cuntribuc a chëi d'autra persones.

Coerënza: Vester boni de rujené a na maniera tlera, fluenta y strutureda y mustré de savëi da adurvé mesuns de struturazion y de cunliamënt.