Dumandes y respostes

 

[Iscrizion]

Ie é fat la iscrizion online. Tla e-mail che é giapà ne ie nia scrit l resultat dl ejam. Pudessais’a me mandé mo n iede l resultat tres e-mail?


Per pudëi liejer la comunicazion ufiziela iel de bujën de jì ite sun la plata dla Rë Zevica y tliché sun “Raion resservà” (ultimo ciamp a man drëta sun la vëta brum-linëusa). Dé ite l inuem utënt y la password y, canche sëis ruvei ite, tliché sun “Mi situazion”, ulache l ie duta la comunicazions nueves.

Chësta ie la pruzedura per duc chëi che se nuza di servijes online.
L resultat dl ejam ne vën no comunicà per telefon no tres na E-Mail.

Data: 23.8.2017
[Ativazion dla Cherta Servijes]
Ie ne é mo nia cumplì dejedot ani y ulësse ativé mi Cherta Servijes. Muessi pa unì acumpanià da un de mi genitores?
I minorénns possa se lascé ativé si Cherta Servijes da un di genitores a chëi che i ti à dat si Cherta y si documënt d’identità. L genitor messerà presenté i documënc dl mut/dla muta pra nosc Servisc mustran nstës si documënt d’identità che vel y si Cherta Servijes. La presënza dl minorénn ne ie perchël nia assolutamënter debujën.
Data: 26.1.2015
[Iscrizion]

Ie é ativà la Cherta Servijes y ulësse me scrì ite online al ejam. Co feji pa?


Fajëde aldò dla istruzions publichedes sun nosta plata web.

Data: 20.1.2015
[Resultat]

Ie son oradecà y ne é nia tëut pea la Cherta Servijes, co possi pa fé a liejer l resultat dl ejam?


Vo pudëis avëi azes a nosc servisc online tres vosc eGov-account (inuem utënt y password). Sce ne ëis mo nia njinià ite n account pudëis permò azeder a nosc servisc online canche sëis inò a cësa tres l letëur y la Cherta Servijes.
Data: 20.1.2015
[Iscrizion]

Ie me é scrit ite online al ejam y al infal ei dat sëura l livel falà. Co possi pa cumedé l fal?


Ne fajëde te degun cajo na iscrizion nueva! Cuntatëdenes tres telefonn y nëus Ve tlariron cie che ie da fé.
Data: 20.1.2015
[Iscrizion]
Ie ne é mo nia ativà la Cherta Servijes, ma ie ulësse me scrì ite online. Co feji pa?

Chi che ulëssa se scrì ite online muessa bele avëi ativà la Cherta Servijes (Cherta sanitera) pra l chemun o pra l Servisc ejams de bi- y trilinguism. Per ativé la cherta bastel se prejenté cun n documënt d’identita y cun la Cherta Servijes. Lijëde i tlarimënc sun nosta plata web.

 

 

Data: 20.1.2015
[Iscrizion]

L me savëssa bel fé dut online, ma ne sé nia ulà scumencé, ajache ne me ntope nia cun l Computer. Chi possa pa me judé?


L team dl Servisc ejams de bi- y trilingiuism possa gën ve judé. Unide a nes crì. Te n chert d'ëura fajerons dut deberieda, var do var: l’ativazion dla cherta Servijes, la criazion dl Cont digitel y nce la iscrizion online dl ejam.

Data: 20.1.2015
[Resultat]
Ie é fat la  iscrizion online. Tla e-mail che é giapà ne iel nia scrit l resultat dl ejam. Pudëis’a me mandé mo n iede la mail cun l resultat?

Per pudëi liejer la comunicazion ufiziela iel de bujën jì sun la plata ufiziela dla Rë Zivica http://www.provinzia.bz.it/it/default.asp y tliché sun Raion resservà (prim pont dl munù da man drëta sun l filet brum-linëus).
Dajëde ite vosc PIN sce ve nuzëis de n letëur o sce ëis bele n cont utënt eGov (eGov-account) dajëde ite vosc dac d’azes (inuem utënt y password).
Canche sëis tl Raion resservà tlichëde sun Mi situazion; iló saral duta la comunicazions nueves y nsci nce chëles cun l resultat dl ejam.
Chësta ie la pruzedura per duc chëi che se nuza di servijes online.
L resultat dl ejam ne vën a chësta moda no comunicà tres telefonn y no tres e-mail.
Data: 15.1.2015
[Atestat de bilinguism]

Ie é perdù l atestat de bilinguism canche é trapinà. Co possi pa giapé na copia?


Pudëis menadrë giapé na copia dl atestat sce uniëis te nosc Ufize cun Vosta cherta d'identità. Giaperëis la copia debant te n diesc menuc.

Data: 15.5.2014
[Resultat]

Ie ne é nia giapà la comunicazion de coche l ejam ie jit tl tëmp di trëi dis de l ëur  udui danora. Cie muessi pa fé?


Cuntatëde debota l Servisc ejams per senialé l melservisc che pudëssa mé depënder da n problem tecnich. Tan tosc che chësc sarà ressolt giaperëis la e-mail coche udù danora.

Data: 15.5.2014