Dan l'iscriziun

Sunsi arjigné/arjignada al ejam?

Nia dagnora ne bastel les conescënzes linguistiches imparades a scora por ester bogn/bunes da passé l'ejam de bilinguism. Impröma él porchël damí da ciafé naota fora a ci livel che tües competënzes linguistiches ti corespogn. Anüza por ejëmpl:

  • la tabela d'autovalutaziun linguistica
    Cun l'aiüt dla tabela d'autovalutaziun linguistica dl Cheder de referimënt europeich en comunanza por i lingac vára da ciafé fora tan bun che te sas le lingaz. Dailó él da ciafé la descriziun de vigni competënza por düc i liví.
  • n test de valutaziun
    Tl internet él da ciafé debann de plü tesć de valutaziun linguistica aladô di criters dl standard europeich por le lingaz todësch y por chël talian, sciöche por ejëmpl sot a www.sprachtest.de o  www.esl.ch/it/soggiorno-linguistico/adulti/tests-online/index.htm (Externer Link)
  • la consulënza por che che impara n lingaz
    N'atra poscibilité por ciafé fora sciöche ara stá cun tüa conescënza linguistica é la consulënza linguistica debann che vëgn pitada vigni edema tl Zënter multilingual de Balsan y tla Mediateca multilinguala de Maran.
    Te chëstes sëntes aste la poscibilité da ciafé cater iadi al ann por mesora alalungia la consulënza de n tutor de lingaz dla uma che te daidará mëte jö n program de stüde dl lingaz individual y te dá tröc consëis d'ütl. An mëss se prenoté.

Naota che te as ciafé fora a ci livel che tüa conescënza linguistica ti corespogn y ci livel dl ejam de bilinguism che t'es bun/buna da afronté, lite jö la descriziun di ejams a chël livel. Por te daidé arjigné ca l'ejam él gnü metü a desposiziun n valgügn ejëmpli te vigni lingaz por vigni modul d'ejam. Chisc é da ciafé sön la plata dla proa de comprenjiun tl ascuté sö, dla proa de comprenjiun tla letöra sciöche ince dl ejam scrit y de chël a usc de vigni livel.

Ejam de bilinguism

Ejam te un n lingaz

Denanco fá l'ejam tol pert al de d'informaziun Compact-Info che vëgn tigní cater iadi al ann y pîta chëstes poscibilités:

  1. Presentaziun dl ejam de bilinguism
  2. Simulaziun dl ejam a usc
  3. Post d'incuntada por n barat linguistich
  4. Autoaprendimënt de n lingaz

Ciari ince a chësc film cört. Chiló vëgnel mostré i locai olache al vëgn tigní l'ejam y sciöche al é la situaziun d'ejam.