Ví a ciaré sciöche al vëgn fat l'ejam de bilinguism

Ví a ciaré sciöche al vëgn fat l'ejam de bilinguism

Incuntades tla sënta di ejams por les scolares y i scolars de d'atres provinzies.

Ince le personal insegnant de d'atres provinzies pó fá conësce a sües scolares y a sü scolars l’ejam de bi- y trilinguism. L’atestat de bilinguism zertifichëia, a pert ves conzede da ti rové pormez al laur publich tl Südtirol, la conescënza dl todësch y dl talian aladô dl Cheder de referimënt europeich en comunanza por i lingac. Por les scolares y i scolars de d'atres provinzies pól ester n’ocajiun interessanta por descurí na realté linguistica desvalia y por conësce l’atestat de bilinguism y so ejam. Classes desvalies de d'atres provinzies vëgn a se ciafé s'anuzan de na jita scolastica. Nosta sënta é tl zënter atira dlungia la staziun dla ferata, da dailó röion adalerch te cört tëmp a pe.

Sön apuntamënt sciafiunse da ves presenté te nosta sënta y por n pice grup de porsones (alplü 20-30) l’ejam y ves fá conësce les particolarités de nosta provinzia, dl statut d' autonomia, dla conviënza di trëi grups linguistics, y i.i. Tl cheder dla jita scolastica podëise ince jí a ti ciaré al Museum de Ötzi y le zënter storich de Balsan, rich de storia y de particolarités.

Damana do n apuntamënt cherdan sö Linda Albanese al numer 0471/413906 (danmisdé) o ortian na mail a: ebt@provincia.bz.it.