I presentun l’ejam de bilinguism te tüa scora

I presentun l’ejam de bilinguism te tüa scora

Oramai arata la maiú pert dl personal insegnant de secundo lingaz che l’atestat de bilinguism sides n documënt fondamental da mëte tl curriculum dles studëntes y di studënc, dantadöt ajache al é saurí da ti rové pormez, al é debann y an pó s'un anuzé atira tl monn dl laur y di stüdi universitars. Le personal dl Sorvisc Ejams de bi-y trilinguism pita la poscibilité da organisé incuntades tles scores interessades tratan l’ann scolastich, olache les scolares y i scolars podará conësce l’ejam, süa strotöra y sü contignüs, sciöche ince i vantaji che al pita. Na bona informaziun y na preparaziun adatada é les premisses por passé l’ejam.

I gnun te vigni scora dla provinzia. La presentaziun döra feter n’ora y vá bun por grups de alplü 50-60 porsones. Al messará tó pert le personal insegnant che vá debojëgn por garantí l’ordin. Al vëgn aconsié da fá na seleziun y chirí fora les porsones che ó veramënter tó pert.

Atrezadöra che vá debojëgn: tl salf messarál ester n computer cun le coliamënt a internet, n monitor, n beamer, n box audio y eventualmënter microfons.

Metede averda: tles scores ladines pól ince gní presenté dlungia l'ejam de bilinguism l'ejam de ladin por ladin.

Sce chësta proposta ves interessëia, scriede fora online la domanda aposta don dant üsc dac y les dates poscibles tla pröma o secunda pert dl ann scolastich. Por rajuns d'organisaziun ves damanunse da s'la ortié altamo dui mëisc danfora.

Domanda online