Che, Co, Olá, Can - Ejam de ladin

Dal 2010 incá vëgnel preodü dal D.P.R. n. 752 di 26.07.1976 la poscibilité da se lascé reconësce zertificac linguistics por ciafé l'atestat de bilinguism.

Che?

Dötes les porsones interessades - anfat de ci nazionalité - pó te vigni momënt damané do le reconescimënt de zertificac linguistics por ciafé l'atestat de bilinguism. L'amisciun ne mëss nia ester liada a n titul de stüde. Sce an ó damané le reconescimënt de n zertificat linguistich de n livel che ne ti corespogn nia al diplom arjunt, pón zënzater le fá.

Co?

A düc i liví vëgnel azerté les competënzes rezetives, sciöche la comprenjiun tl ascuté sö y tla letöra, y ince les competënzes produtives dl lingaz scrit y a usc.

An pó damané le reconescimënt de n zertificat linguistich ma a un n livel. Pornanche chësc percurs é stlüt jö pón indô presenté domanda por le medemo livel o por n ater. La domanda pó gní fata te vigni momënt online tres le cunt digital o cun i formulars aposta.

Le calënder di ejams vëgn elaboré eletronicamënter y te n ordin cronologich. Al é da tigní cunt che dötaurela aspeton presciapüch 3 mëisc da canche an á presenté la domanda.

La domanda de reconescimënt de zertificac linguistics y l'ejam te un n lingaz é debann.

Olá?

La sora sënta di ejams te un n lingaz é a Balsan tla via Dr.-Julius-Perathoner 10, tla secunda alzada dl frabicat tl parch danter la staziun dla ferata y la staziun dla coriera (linies dl bus dla SASA: 6, 7, 9, 11, 12, 16, 183).

Can?

I ejams te un n lingaz vëgn tignis fora por döt l'ann te n de cun scomenciamënt dales 8.15.
Le termin dl ejam pó gní sburlé n iade su, sce ara ne vá nia da ester presënc en le de dl ejam, cun na telefonada o na e-mail.
Problems cun la data dl ejam

Resultat dl ejam

Le resultat dl ejam vëgn lascé alsavëi por scrit tres e-mail cina trëi dis da laur do la data dl ejam.