Assëgn por la familia provinzial

N sorvisc dl'aministraziun provinziala de Südtirol

Descriziun generala

L'assëgn por la familia dla Provinzia é preodü por l'assistënza y l'educaziun di mituns cina le terzo ann de vita (al mascimo 36 mëisc). Pro na adoziun o n afidamënt pëia ia i trëi agn de dërt al assëgn dala data dl provedimënt de adoziun o de afidamënt.

  • Mituns: cina la fin dl 3. ann de vita; le möt mëss vire adöm cun le genitur o cun i geniturs che l'à en afidamënt. Chësc mëss resulté dal zertificat de familia dla porsona che presentëia la domanda.
  • Residënza: mëss avëi da altamo 5 agn, zënza interuziun, la residënza sön le teritore provinzial denanco dè jö la domanda o la residënza storica anagrafica de 15 agn, te chësc caje messon avëi la residënza da altamo un n ann zënza interuziun denanco dè jö la domanda.
  • Zitadins comunitars de n ater paîsc dl'UE nia residënć: te chësc caje messon desmostrè d'avëi n raport de laûr tl Südtirol.
  • Situaziun economica: le davagn y le patrimone dla familia (nia dependënt dal numer di mëmbri dla familia) ne po nia jì sura 80.000,00 euro al ann fora.

Valutaziun dl davagn y dl patrimone:

Les condiziuns economiches dles porsones che fej domanda por l'assëgn regional gnarà valutades sön la basa dla detlaraziun unificada dl davagn y dl patrimone (DUDP).

Sce I orëis damanè do l'assëgn por la familia provinzial messëise dè jö la detlaraziun DUDP s'anuzan di zentri de assistënza fiscala (CAAF) y/o di patronać dla provinzia che pîta chësc sorvisc.

Dal 1. de messé dl 2017 vëgnel damané le davagn dl 2016 (cun DUDP).

I sorvisc pità dai patronac y dai zëntri de assistënza fiscala é debann.

Tan alt é pa l'assëgn por la familia?

La soma é de incër 200,00 € al mëis por vigni möt.

Can gnaràl pa paié fora l'assëgn?

I paiamënc gnarà fac en rates vigni mëis che vëgn do. Insciö p.ej. gnarà la rata de jenà paiada fora ala fin dl mëis de forà.

Co gnaràl pa paié fora l'assëgn?

Le contribut gnarà paié fora sön le cunt bancar dè dant o sce chësc n'é nia vëgnel paié fora tres assëgn bancar da incassè te 2 mëisc pro na portina dla Cassa dl Sparagn (tesorier dla Provinzia).

Metede averda: aladô dl art. 12, c. 2 dl D.L. di 6 de dezëmber dl 2011, n. 201 "Desposiziuns de prëscia por la chersciüda, la iustizia y le consolidamënt dles finanzes publiches", ne vara nia plü da paié fora cun assëgn bancar somes de o passa 1.000,00 euro Düc i compënsc de passa 1.000,00 euro messarà gnì paià fora sön cunc corënc bancars o postai.

(Sorvisc actualisá ai: 13/12/2017)

Ënt competënt

ASSE Agenzia por le svilup sozial y economich
Palazzo 12, via Canonico Michael Gamper 1, 39100 Balsan
Telefonn: 0471 41 83 14 Barbara Kaufmann
0471 41 83 09 Davide Giabardo
0471 41 83 11 Marcella Ferrari
0471 41 83 03 Paola Faoro
Fax: 0471 41 83 25
E-mail: aswe.asse@provinz.bz.it
PEC: aswe.asse@pec.prov.bz.it
Plata internet: http://www.provinz.bz.it/aswe

Orar por la jënt:

Lönesc, mertesc, mercui y vëndres: 9.00 - 12.00
Jöbia: 8.30 - 13.00, 14.00 - 17.30

Terminns

La domanda po gnì presentada dal momënt che la porsona che fej domanda à düc i recuisic. Tl tëmp de n ann dala nasciüda o dal'adoziun/afidamënt dl möt (data dl provedimënt d'adoziun/afidamënt) vëgn les rates mensiles paiades fora a na moda retroativa pian ia dal mëis do la nasciüda /adoziun o dal arjunjimënt dles condiziuns d'azès. Sce an se jöma ia le terminn vëgn l'assëgn por la familia impormò paié fora dal mëis do che an à presentè la domanda.

Les domandes de assëgn provinzial arà na validité de trëi agn.

Por vigni nasciüda, adoziun o afidamënt mësson dè jö na domanda nöia.

DÈ JÖ LES DOMANDES

La domanda mëss gnì dada jö pro n patronat che se cruziarà da ti la ortié inant al'Agenzia ASSE.