Abité Contribuć por tó demez i impedimënć architetonics

N sorvisc dl'aministraziun provinziala de Südtirol

Descriziun generala

Un di fins dles alisiraziuns por frabiché dla Provinzia Autonoma de Balsan é de ti consentì ales porsones cun handicap cun desturbs funzionai permanënć, de adatè süa abitaziun a sü bojëgns spezifics.

La Provinzia conzed contribuć de un n iade ales porsones, ales families, mo inće a condominiums o istituć olache ares vir. Por garantì che ares pois se möie cun autonomia y segurëza ti ambiënć da vigni dé.

ĆI LAÛRS PO PA GNÌ ALISIRÀ?

1. Eliminaziun di impedimënć defora (entrada) y daite (tla residënza prinzipala):

  • rampes
  • alzadus
  • lifć

2. Adatamënt dl’abitaziun ai bojëgns spezifics dles porsones cun handicap

  • adatamënt dl bagn
  • adatamënt di locai y dles ćiamenes
  • automatisaziun dles portes, finestres y scialusies
  • lifć de sössot
  • mioramënt dla cualité de vita cun le amplié les lercs

3. Cumpra de n’abitaziun zënza impedimënć architetoniches, sce ara ne va nia da adatè l’unica abitaziun por rajuns tecniches.

4. Por ciafé n contribut por la demoliziun de impedimënc architetonics, mëss le cuartier da adaté avëi les carateristiches de n cuartier popolar o de n cuartier cun n gran numer de ciamenes y ne pó nia ester majer co 160 m² netto.

CHE CIAFA PA N N CONTRIBUT – CHE DÀ PA JÖ LA DOMANDA?

  • Porsones cun handicap cun desturbs funzionai permanënć: porsones cun mobilité smendrida, ipovedënć, surć
  • Geniturs cun mituns cun handicap
  • Familiars che ciafa l’assëgn de cura por familiars cun handicap che vir impara
  • Condominiums o istituć, sce al vir dailò porsones cun handicap

DE TAN É PA LE CONTRIBUT POR LAÛRS DE ELIMINAZIUN O SUPERAMËNT DE IMPEDIMËNĆ ARCHITETONICS Y DE ADATAMËNT?

Ales porsones cun handicap cun desturbs funzionai permanënć ti vëgnel conzedü n contribut aladô dl davagn familiar complessif al ann (mesaria di dui agn denant co dé jö la domanda).

Le contribut po mudé. Al po jì da altamo le 30% ćina alplü le 70% di cosć reconosciüs.

Les fasces de davagn por le tëmp dal 01.01.2017 ćina al 30.06.2018 va debojëgn por ciafé fora de tan che le contribut é.

IPES- fascia de davagn:   ćina a 2,33

I.   fascia de davagn:       ćina a 3,20

II. fascia de davagn:       ćina a 4,40

III. fascia de davagn:      ćina a 5,00

IV. fascia de davagn:       ćina a 5,40

Por les porsones, por chëres che al é gnü reconesciü la situaziun de gravité aladô dl articul 3, coma 3 dla lege di 5 de forà dl 1992, n. 104, vëgn les fasces de davagn aumentades dl 20%.

Gradaziun dla spëisa y contribut:

Chësta tabela dà dant la porcentuala che vëgn paiada fora sciöche contribut. La porcentuala depënn inće dales spëises reconesciüdes y dala fascia de davagn.

Spëisa reconesciüda

IPES-fascia de davagn

I. fascia de davagn

II. fascia de davagn

III. fascia de davagn

IV. fascia de davagn

0,00 € - 27.000,00 €

70%

40%

30%

30%

30%

27.000,01 €  -  54.000,00 €

60%

60%

50%

40%

30%

54.000,01 € -   81.000,00 €

80%

80%

70%

50%

30%

Sce la domanda vëgn dada jö dai geniturs de porsones de mëdra eté cun handicap o da familiars che se crüzia dla porsona cun handicap, tëgnon cunt dl davagn familiar complessif di geniturs o di componënć de familia.

Ai condominiums o istituć ti vëgnel conzedü n contribut dl 30% di cosć reconesciüs, sce al vir ilò na porsona cun handicap.

Do che l’aministradù dl condominium à dè jö la domanda por le condominium, po les porsones cun handicap ciafè por süa cuota dla spëisa ćiamò n contribut aladô de so davagn familiar complessif, o presentè ćiamò na domanda. Chësta sort de contribut ti vëgn conzedü a porsones cun handicap che fej domanda, che ne superëia nia la terza fascia de davagn.

Spëisa minimala por ciafè n contribut: 2.000,00€

Spëisa mascimala por chëra che al vëgn conzedü n contribut: 81.000,00€

DE TAN É PA LE CONTRIBUT POR LA CUMPRA DE N’ABITAZIUN ZËNZA IMPEDIMËNĆ ARCHITETONICS?

Sce ara ne va nia por rajuns tecniches da adatè l’abitaziun, la sóra che an à, conzed la Provinzia autonoma de Balsan n contribut dl 20% dl valur convenzional dl’abitaziun cumprada.

Les dificoltês tecniches por adataté l’abitaziun vëgn ciafades fora tres n control dl ofize tecnich por le frabiché alisiré dla Provinzia.

Por ej. Balsan 2017:

Valur convenzional a mq dla spersa convenzionala: 2.009,00 €/mq

Contribut a mq de spersa convenzionala: 401,8 €/mq

Por cumprè n’abitaziun zënza impedimënć architetonics po les porsones cun handicap cun limitaziuns funzionales permanëntes, che ne n’à nia ćiamò n’abitaziun, ti rové pormez ai contribuć por cumprè la pröma ćiasa, sce ai à les condiziuns generales y spezifiches por ciafè n’alisiraziun por frabiché.

Por l’anuzaziun de chësc sorvisc ne vêlel degönes condiziuns d’azès particolares.

Por l’anuzaziun de chësc sorvisc ne val nia debojëgn de dè jö documënć implü.

L’anuzaziun de chësc sorvisc é debann.

(Sorvisc actualisá ai: 20/10/2017)

Ënt competënt

25. Frabiché abitatif
Palazzo 12, via Canonico Michael Gamper 1, 39100 Balsan
Telefonn: 0471 41 87 00
0471 41 87 01
Fax: 0471 41 87 09
PEC: wohnungsbau.ediliziaabitativa@pec.prov.bz.it
Plata internet: http://www.provinzia.bz.it/edilizia-abitativa/

Orar por la jënt:

Sënta prinzipala a Balsan:

Palaz 12, Strada Kanonikus-Michael-Gamper 1, 39100 Balsan

(Ćiantun Strada Schlachthof) - tel. 0471/418710/40/60

Lönesc, dedolönesc, mercui y vëndres dales 09:00 ales 12:00

Jöbia dales 08:30 ales 13:00 y dales 14:00 ales 17:30

SËNTES DESTACADES

En concordanza cun les vacanzes da scora é inće notes sëntes destacades stlütes. I tëmps de stlüta vëgn publicà da iade a iade sön la plata internet dla Repartiziun Frabiché abitati.

Porsenù:

Regensburger Allee 18 (Villa Adele)

Vigni secundo y cuarto mercui dl mëis dales 09:00 ales 12:00 y dales 14:00 ales 17:00

Bornech:

Kapuzinerplatz 3

Vigni pröm y terzo mercui dl mëis dales 09:00 ales 12:00 y dales 14:00 ales 17:00

Maran:

Esplanade, Sandplatz 10

Vigni dedolönesc dales 09:00 ales 12:00 y dales 14:00 ales 17:00

Solaneres:

Schlandersburgstraße 6

Vigni pröm mercui dl mëis dales 09:00 ales 12:00 y dales 14:00 ales 17:00

Terminns

La domanda po gnì dada jö cun i preventifs detaià denant co mëte man i laûrs; o scenò canche an à rové, tl tëmp de 6 mëisc y cun les fatures paiades.

La domanda por la cumpra po gnì dada jö cun n contrat preliminar registrè.