Abité Cumpra o costruziun dla pröma ćiasa – Anotaziun dl lian sozial

N sorvisc dl'aministraziun provinziala de Südtirol

Descriziun generala

Por che l'Ofize Spëises pois gní autorisé da paié fora l'alisiraziun por le frabiché vál debojëgn naota* dl'anotaziun dl lian sozial tl Ofize tavolar. 

*  tl caje de licuidaziun antizipada pó le lian sozial gní anoté ince dedô.

Chësc lian po gní anoté tl liber fondiar te manires desvalies:

A.        tres notar, aladô de:

a)    contrat de cumpra; o

b)    contrat d’imprëst ipotecar.

B.   tres le Comun, aladô dla deliberaziun d' assegnaziun de terac alisiré;

C.  tres l’Ofize Programaziun dl frabiché alisiré, aladô de n decret dl diretur dla Repartiziun Frabiché abitatif. 

Dessot vëgnel descrit la prozedöra por l'anotaziun tl liber fondiar da fá tl Ofize Programaziun dl frabiché alisiré cun decret dl diretur de repartiziun.

1. Naota mëssel gní presenté döta la documentaziun: Do avëi presenté al Ofize tecnich döta la documentaziun scrita sö tla lëtra d'aprovaziun, dá jö l'Ofize nominé dessura l'arat (intern) positif por anoté le lian.

L’Ofize Programaziun ti ortia* spo ala porsona che fej domanda le formular “Domanda de anotaziun dl lian sozial“ sciöche ince le formular F23 scric fora damperfora te trëi copies por le paiamënt dles cutes de register (432,00 euro); le decret dl Diretur de repartiziun mëss gní registré. Les cutes pó gní paiades tla posta o tla banca cun dötes trëi les copies dl formular.

*  Sce la porsona che fej domanda dá jö la „Domanda d'anotaziun de lian sozial“ denanco avëi ortié inant döta la documentaziun, a na moda che al vëgnes paié fora plü debota le contribut, vëgnel sotrissé che l'Ofize ne pó nia – por rajuns organisatives - traté la domanda, che mëss porchël gní archiviada. 

2. Presenté la domanda al Ofize programaziun: Do che al é gnü paié mëss la porsona che fej domanda dé jö tl Ofize Programaziun - sciöche confermaziun dl paiamënt - n original dl formular F23 paié, cun lapró le formular scrit fora “Domanda d'anotaziun de lian sozial“ y injunté ala domanda n martl da bol da € 16,00. 

3. Registraziun dl decret: do che al é gnü dé jö döt, dá fora l'ofize le decret dl Diretur de Repartiziun che al ti dará al'Agenzia dles Entrades por la registraziun adöm cun le formular F23 por la registraziun che vá debojëgn.

4. Anotaziun dl lian sozial: Pornanche le decret registré ti röia indô al Ofize Programaziun, vëgnel ortié - adöm cun la domanda tavolara - al Ofize tavolar.  Chësc ultim ofize anotará le lian sozial y ortiará na copia dl decret tavolar sides al damandant che al Ofize Programaziun. 

5. Paiamënt dl contribut respetivamënter restituziun dla fideiusciun bancara: Do n ultim control di documënc tavolars, ortiará la contabilité al Ofize Spëises dla Provinzia l’ordin de licuidaziun dl contribut, che gnará acredité diretamënter sön le cunt bancar dé dant dal damandant.

Sce le damandant á damané - do avëi dé jö na fideiusciun bancara aposta- le paiamënt antizipé dl contribut, pó l’Ofize rete chësta fideiusciun ala banca, resp. dé fora na liberatoria, le lascian alsavëi tres  e-mail ince al damanant.   

Cost total:   euro 448,00

La domanda de alisiraziun mëss ester gnüda aprovada y la porsona che fej domanda mëss ester le patrun dl’abitaziun tl liber fondiar.

Ala domanda él da ajuntè n martl da bol de 16,00 €.

Le cost é indöt de 448,00 €.

(Sorvisc actualisá ai: 07/09/2017)

Ënt competënt

25.1. Ofize Programaziun dl frabiché alisiré
Palazzo 12, via Canonico Michael Gamper 1, 39100 Balsan
Telefonn: 0471 41 87 28 (Lorena Soligo)
0471 41 87 31 (Oscar Insam)
Fax: 0471 41 87 39
PEC: wohnbauprogramm.programmazioneedilizia@pec.prov.bz.it
Plata internet: http://www.provincia.bz.it/edilizia-abitativa/

Orar por la jënt:

Sënta prinzipala a Balsan:

Landhaus 12, Kanonikus-Michael-Gamper-Straße 1, 39100 Balsan
(Ecke Schlachthofstraße) - tel. 0471/418710/40/60

Lönesc, dedolönesc, mercui y vëndres dales 09:00 ales 12:00
Jöbia dales 08:30 ales 13:00 y dales 14:00 ales 17:30

SËNTES DESTACADES:

En concordanza cun les vacanzes da scora é inće notes sëntes destacades stlütes. I tëmps de stlüta vëgn publicà da iade a iade sön la plata internet dla Repartiziun Frabiché abitatif.

Porsenù:

Regensburger Allee 18 (Villa Adele)

Vigni secundo y cuarto mercui dl mëis dales 09:00 ales 12:00 y dales 14:00 ales 17:00

Bornech:

Kapuzinerplatz 3

Vigni pröm y terzo mercui dl mëis dales 09:00 ales 12:00 y dales 14:00 ales 17:00

Maran:

Esplanade, Sandplatz 10

Vigni dedolönesc dales 09:00 ales 12:00 y dales 14:00 ales 17:00

Solaneres:

Schlandersburgstraße 6

Vigni pröm mercui dl mëis dales 09:00 ales 12:00 y dales 14:00 ales 17:00

Terminns

Por l’anuzaziun de chësc sorvisc ne n’él da tignì ite degügn terminns particolars.