Abité Cumpra o costruziun dla pröma ćiasa - condiziuns dl cuartier por ciafè n'alisiraziun y calcolaziun online dla spersa y dl valur convenzional

N sorvisc dl'aministraziun provinziala de Südtirol

Descriziun generala

La Provinzia autonoma de Balsan conzed alisiraziuns por cumprè o fà sö abitaziuns por le bojëgn abitatif primar.

La soma dles alisiraziuns por frabiché depënn inće dales carateristiches dl’abitaziun, dala spersa y dal valur convenzional dl’abitaziun.

Ma les abitaziuns che à les carateristiches de n’abitaziun popolara po ciafè les alisiraziuns provinziales por la cumpra de abitaziuns por le bojëgn abitatif primar. Al ne vëgn nia conzedü alisiraziuns por abitaziuns afolades.

Sce an cumpra n'abitaziun de altamo 25 agn che mëss gnì ressanada, pon fà domanda por la cumpra y por le ressanamënt.
Chësc contribut po ma gnì paié fora te un n iade.
Al é important da savëi che i laûrs de restrotoraziun po impormò mëte man 30 dis do avëi dè jö la domanda o do che al é gnü fat n control da pert dla Repartiziun Frabiché abitatif.

De plü informaziuns sön le ressanamënt ciafëise tl sorvisc aposta.

Spersa convenzionala de n'abitaziun

Calcolaziun dla spersa convenzionala

Por calcolè l’alisiraziun val inće debojëgn da calcolè la spersa convenzionala dl’abitaziun, chël ô dì chë spersa che vëgn finanziada aladô dla normativa varënta. La spersa convenzionala de n’abitaziun vëgn calcolada insciö:

a) la spersa abitabla aumentada dl 25%

b) 25% dla spersa di soras

c) 50% dla spersa dla loggia y dles verandes nia da scialdè

d) 30% dla spersa dles ćianoes

e) 60% dla spersa di garasc

f) 30% dla spersa di posć por parchè i auti daverć

g) 25% dla spersa di porti daverć tla alzada a tera

h) 15% dla spersa dles terasses ma a desposiziun dl'abitaziun

i) 30% dla spersa dl sotletët dl’abitaziun, che ne n’à nia les carateristiches por gnì conscidré abitabl, por chë pert che é plü alta co 1,50 metri.

Por la spersa convenzionala dles abitaziuns ne vëgnel nia conscidré les sperses destinades al'adoranza di condominiums.

Le valur convenzional

Le valur convenzional de n'abitaziun ciàfon fora dal cost de costruziun por meter cuadrat iadi la spersa convenzionala. La soma calcolada insciö vëgn aumentada dl 30 por cënt por le cost dl raiun. La pert che reverda i cosć de urbanisaziun vëgn reconesciüda tla mosöra stabilida dai regolamënć de comun relatifs (dal 5% al 10% dl cost de costruziun).

La spersa abitabla

La calcolaziun dla spersa abitabla à dui fins prinzipai: controlè che l’abitaziun sides adatada ala familia y gnì adorada sciöche basa por la calcolaziun dla spersa convenzionala. La spersa abitabla de n’abitaziun ti corespogn ala spersa calpestabla y é metüda adöm dala spersa complessiva dl’abitaziun manco i mürs esterns y de divijiun, i limi di üsc, les nisces di vidri y les rampes de stiga cun laprò i podesć. I scalins de compensaziun ćina a trëi alzades ne vëgn nia conscidrà stighes.

Carateristiches de n’abitaziun popolara

N'abitaziun mëss avëi chëstes carateristiches por gnì conscidrada popolara:

  1. avëi altamo un y nia plü de cin locai d’abitaziun, zënza cumpedè i locai secundars (ćiasadafüch, bagn, stangode, toalëta y entrada);
  2. avëi n’entrada independënta;
  3. ester conform ales desposiziuns preodüdes dai regolamënć de igiena y dl frabiché;
  4. avëi na spersa abitabla de altamo 28m² y nia de plü co 110m² (les abitaziuns fates sö dan la jüda en forza dla lege provinziala di 25.11.1978, n.52, (30.12.1978) po avëi na suraspersa abitabla de alplü 130m²).
  5. La soma dles sperses secundares (garasc, ćianoa, loggia y veranda) ne po nia ester majera co la spersa abitabla dl’abitaziun. Chësc limit vel ma por les abitaziuns cun na spersa abitabla de passa 70m².

La spersa abitabla minima dl'abitaziun depënn dal numer de porsones:

Porsones

Spersa minima

Spersa mascima

1 porsona

28m2

110 m2

2 porsones

38 m2

110 m2

3 porsones

48 m2

110 m2

4 porsones

58 m2

110 m2

5 porsones

68 m2

110 m2

6 porsones

78 m2

125 m2

Por les families da passa cin porsones po la spersa abitabla ester de 15m² majera por vigni porsona.

La porsona che fej domanda po realisé n’atra abitaziun autonoma, che ne po nia ester majera co le 50% dla spersa ütla dl'abitaziun primara.
Ara mëss ester convenzionada aladô dl articul 79 dla lege urbanistica provinziala.

Por l’anuzaziun de chësc sorvisc ne vêlel degönes condiziuns d’azès particolares.

Por l’anuzaziun de chësc sorvisc ne val nia debojëgn de dè jö documënć implü.

L’anuzaziun de chësc sorvisc é debann.

(Sorvisc actualisá ai: 01/10/2013)

Ënt competënt

25. Frabiché abitatif
Palazzo 12, via Canonico Michael Gamper 1, 39100 Balsan
Telefonn: 0471 41 87 00
0471 41 87 01
Fax: 0471 41 87 09
PEC: wohnungsbau.ediliziaabitativa@pec.prov.bz.it
Plata internet: http://www.provinzia.bz.it/edilizia-abitativa/

Orar por la jënt:

Sënta prinzipala a Balsan:

Landhaus 12, Kanonikus-Michael-Gamper-Straße 1, 39100 Bozen

 (Ecke Schlachthofstraße) - tel. 0471/418710/40/60

Lönesc, dedolönesc, mercui y vëndres dales 09:00 ales 12:00

Jöbia dales 08:30 ales 13:00 y dales 14:00 ales 17:30

SËNTES DESTACADES

En concordanza cun les vacanzes da scora é inće notes sëntes destacades stlütes. I tëmps de stlüta vëgn publicà da iade a iade sön la plata internet dla Repartiziun Frabiché abitati.

Porsenù:

Regensburger Allee 18 (Villa Adele)

Vigni secundo y cuarto mercui dl mëis dales 09:00 ales 12:00 y dales 14:00 ales 17:00

Bornech:

Kapuzinerplatz 3

Vigni pröm y terzo mercui dl mëis dales 09:00 ales 12:00 y dales 14:00 ales 17:00

Maran:

Esplanade, Sandplatz 10

Vigni dedolönesc dales 09:00 ales 12:00 y dales 14:00 ales 17:00

Solaneres:

Schlandersburgstraße 6

Vigni pröm mercui dl mëis dales 09:00 ales 12:00 y dales 14:00 ales 17:00

Terminns

Por l’anuzaziun de chësc sorvisc ne n’él da tignì ite degügn terminns particolars.