Strotöres por le laur cun la jonëza

Organisaziuns por mituns y jonëza
Ciasa-Vke Parch Mignone, Balsan

Organisaziuns por i mituns y la jonëza

Les organisaziuns por i mituns, les mitans y la jonëza é comunités orientades ai travërc y ai valurs di mituns, dles mitans y dla jonëza cun na strotöra sura döta la provinzia. Te chëstes vëgn le laur cun la jonëza organisé, lauré fora y porté dala jonëza instëssa. So laur ciara ala dorada y tres ëres y sües assoziaziuns vëgnel porté a espresciun les chestiuns y i interesc che reverda la jonëza.

Misciuns

Sorvisc ai jogn
Sorvisc ai Jogn Val Badia - Nëus Jëuni Gherdëina

Sorvisc ai jogn

I sorvisc ai jogn é istituziuns dl laur cun la jonëza a livel de raiun, che vëgn normalmënter menades da cöres y comuns y che se sënt en dovëi devers le sostëgn y le svilup dl laur cun i mituns y la jonëza. Le Sorvisc ai Jogn Val Badia é na istituziun por le sostëgn sussidiar ales porsones, ai grups, ales uniuns, ales assoziaziuns y istituziuns. Le Sorvisc ai Jogn se dá jö con le laur por y cun i mituns y les mitans y la jonëza de nosta valada. Dlungia chësc vëgnel ince adoré sciöche rapresentanza di interesc dla sozieté y dla politica, sciöche ince por interlocutur por les ghiranzes di mituns, dles mitans y dla jonëza. Por informaziuns plü monüdes cliché chiló (Link forest).

D’altonn dl 1985 él gnü metü sö la “Nëus Jëuni Gherdëina”. Chësta istituziun fej da tët a plü lies de Gherdëna y coordinëia y sostëgn les ativités cun la jonëza. Implü oolera ince sö contac cun d’atres istituziuns fora dla valada y cun d'atres assoziaziuns che laora cun la jonëza. Nëus Jëuni ó ince fá da mediadú danter la jonëza y les autorités. Chësta istituziun laora cun gran entusiasm. Por de plü informaziuns cliché chiló (Link forest).

Misciuns

Zëntri dla jonëza
Zënter dla jonëza Ufo, Bornech

Zëntri dla jonëza

I zëntri dla jonëza tëgn cunt, sciöche portadus plü importanc dl laur cun la jonëza davert, dl fat che tröpa jënt jona n'ó nia o ne pó nia se lascé lié. Le laur cun la jonëza daverta dess dantadöt ti baié ados a jënt jona nia organisada, che á debojëgn de n sostëgn y na motivaziun speziala, che s'orientëia demanco a sistems di valurs tradizionai y che chir cun intenziun ciamps d'aziun daverc. Ai vá dantadöt debojëgn olache la strotöra soziala mostra sö sfësses y tenjiuns y se ghira porvia dla sort de problem complessa y di bojëgns dla jonëza che se müda tresfora, l'intervënt spezial de personal pedagogich spezialisé y formé sciöche al alda che le fej de profesciun.

Misciuns

Jugendgruppen
Post d'incuntada dla jonëza Raumele, Barbian

Grups dla jonëza

I grups dla jonëza é uniuns de jënt jona zënza na majera strotöra a livel local, olache al vëgn organisé y arjigné ca ativités dla jonëza y por chëres che al vëgn surantut la responsabilité da jënt jona. Vignitant laori cun les gran organisaziuns dla jonëza.

Misciuns

Jugendherbergen
Alberch dla jonëza Maran

Albercs dla jonëza

I albercs dla jonëza é posć de movimënt internazional. Ai vëgn mená aladô dles diretives dla International Youth Hostel Federation (IYHF) y sostëgn - tres la metüda a desposiziun dla poscibilité da dormí bun marcé por la jonëza che é sön le iade, por grups dla jonëza y classes de scora - da rodé, sciöche ince da jí en vacanza y s'anuzé de posć de aurela cörta a jënt jona y families.

Misciuns

Portadus dl laur cun la jonëza
Manu, bercstot por mituns, mitans y la jonëza

Portadus dl laur cun la jonëza

Pro i portadus dl laur cun la jonëza tochel dlungia les organisaziuns dla jonëza, i sorvisc ai jogn y i zëntri dla jonëza ince istituziuns spezialisades y lies, che sostëgn les strotöres dl laur cun la jonëza y sües colaboradësses y sü colaboradus cun ofertes de consulënza y aiüt speziales te ciamps tematics o de laur autonoms.

Misciuns

Selbstversorgerhäuser von Jugendeinrichtungen
AVS-Peitlerknappenhütte, Porsenú/Eores

Ciases por grups y istituziuns por la jonëza

Les ciases por grups é strotöres dl laur cun la jonëza, ché vá bun por grups dla jonëza y classes de scora por dormí te üties y proiec te posć nia abitá. Ares é fates a na moda che i grups ais döt ci che vá debojëgn (ciasadafüch). Ares vëgn menades da assoziaziuns dla jonëza o sorvisc ai jogn.

Adressen

Zeltlagerplätze
Ciamp da mëte sö la tenda Oberfennberg, Kurtatsch

Ciamps da mëte sö la tenda

I ciamps da mëte sö la tenda é strotöres dl laur cun la jonëza, che vá bun por grups dla jonëza y classes de scora por mëte sö la tenda. Ai é fac a na moda che i grups ais döt ci che vá debojëgn (ciasadafüch). De chisc se crüzia assoziaziuns dla jonëza o sorvisc ai jogn.

Misciuns

Menu Strotöres por le laur cun la jonëza