Atualità

Contribuc Cultura ladina: ancuntedes a Santa Cristina y a Picolin

L Ufize Cultura ladina y Junëza lascia al savëi che la dumandes per n contribut provinziel per l’atività culturela 2020 muessa unì dates ju nchina ai 31 de jené 2020.

Contribuc Cultura ladina: ancuntedes a Santa Cristina y a Picolin (Foto:USP)

Nce chëst ann ti vëniel pità ai zitadins y ala zitadines la puscibltà de dé ju la dumandes diretamënter tla valedes a n culaburadëur / na culaburadëura dl Ufize Cultura ladina y Junëza.

Chisc servijes vën pitei n juebia, ai 30 de jené 2020 dala 16.00 ala 18.00 tla sala Raiffeisen dl chemun de S. Cristina y ai 31 de jené 2020 tl Ufize Inovazion y consulënza (1 partimënt) dl zënter pedagogich a Picolin/Val Badia.
La dumandes possa sambën nce unì mandedes nchina ai 31 de jené 2020 per posta o pec ala Provinzia Autonoma de Bulsan-Südtirol, Ufize Cultura ladina y Junëza 18.2, Str. Bottai n. 29, 39100 Bulsan ( culturayintendenzaladina@pec.prov.bz.it). I formulers ie da abiné sun la plata internet http://www.provinzia.bz.it/la/sorvisc-a-z.asp?bnsv_svid=1007900 o diretamënter tl Ufize Cultura ladina y Junëza, Str. Bottai n. 29, Bulsan, tel. 0471- 417021.Per nfurmazions plu a puntin sun la pusciblteies de suvenzion, pudëis ti scrì a Culturaladina@provinica.bz.it o ti cialé ala plata www.provinzia.bz.it/cultura-ladina.

La dumandes de contribut per nvestimënc culturei, proiec culturei, ativiteies artistiches y per publicazions possa nce unì dates ju n chësta ucajion.

 

USP/USP

Galaria dales fotografies