Focus 2018 - 20 agn competënza strades

Le tema prinzipal dl De dl’Autonomia da iniann sará la surandada dla competënza primara por les strades dal Stat ala Provinzia de Balsan. Cun la publicaziun dl decret legislatif di 23 de setëmber dl 1997 él gnü metü la fondamënta iuridica por le passaje dl’aministraziun statala dles strades statales ala Provinzia de Balsan. Le Südtirol y le Trentin é stá les prömes döes provinzies dla Talia che á ciafé chëstes competënzes. Al 1. de messé dl 1998 él spo gnü metü en pratica ofizialmënter le passaje dla competënza: al é gnü cherié la Repartiziun Sorvisc Strades (12) y la Repartiziun Infrastrotöres (10) che á surantut les competënzes dl ënt statal ANAS.

 

  • Costruziun strades

    Ti ultims dezens é le trafich aumenté te na manira costanta y chësc á porté pro a na impifada dles strades te plü perts dla provinzia. Le compit dla Repartiziun Infrastrotöres é propi chël da smendrí y desvié le trafich sön döta la rëi stradala. Al vëgn planifiché y costruí zirconvalaziuns, tuní, punc y incrujades nöies. Cun chëstes mosöres ne dessel nia ma gní sposté le trafich dai zëntri di paisc, mo ince aumenté la cualité de vita di zitadins. N fatur important é ince la segurëza sön les strades. Implü vëgnel ince tres tut en conscidraziun i mesi dl trasport publich che dess avëi condiziuns otimales por podëi desfiré so sorvisc. Pro la creaziun de infrastrotöres nöies ne vëgnel nia tut en conscidraziun la stabilité dl’opera, mo ince n bun inserimënt tla contrada.

  • Manutenziun

    Tl Südtirol él indöt 2826 chilometri de strades statales y provinziales cun 1662 punc y 206 tuní. La Repartiziun  Sorvisc Strades dla Provinzia se crüzia 24 ores sön 24 dla manutenziun dles strades por garantí le bun funzionamënt de döta la rëi stradala. La Repartiziun Sorvisc Strades é partida sö te sis ofizi teritoriai cun trëi ofizi aposta por ci che reverda i punc, i tuní y la segnaletica stradala. Por podëi garantí chisc sorvisc vál debojëgn da avëi na plaza da lascé jö les mascins moderna y indöt 40 bercstots che é partides sö sön döta la provinzia.

  • Stradaröi

    N punt de coliamënt fondamental danter i ofizi dl’aministraziun provinziala y i stradaröi é i sis ofizi teritoriai. Dailó laorel esperc, tecnics y colaboradus dl’aministraziun adöm cun indöt 80 stradaröi. I ofizi é partis sö te ot zones cun 10 colaboradus pro zona. Vigni ofize á a desposiziun mesi de laur y materiai aposta. Indöt él atualmënter en sorvisc 480 stradaröi te döta la provinzia.

  • Mesi de trasport y i veicui

    Por podëi ti garantí n sorvisc otimal ai zitadins vál debojëgn de de plü pici punc de logistica partis sö te döta la provinzia. La Repartiziun Sorvisc Strades á sciöche valur mesan un n veicul sön 12 chilometri de strades. Sön 2800 chilometri ó chësc dí che ara á söporjö 230 mesi a desposiziun.

  • Bercstots y punc de logistica

    Tl Südtirol él indöt 47 punc de logistica che é partis sö te döta la provinzia. I punc de logistica á ince la funziun de bercstots, deache al vëgn controlé i veicui por podëi garantí n sorvisc asvelt y efiziënt, dantadöt por ci che reverda le sorvisc da desparé y sterne se tratan l’invern.

  • Le Sorvisc Punc

    Le Sorvisc Punc se fistidiëia dla manutenziun ordinara y straordinara, de laurs de control y dl’ispeziun di punc. Por intergní te caji de emergënza, sciöche de gran eghes sura i punc, o ince tratan la demoliziun de punc vedli él le Sorvisc Punc che mët a desposiziun punc dal inom “bailey” che á la carateristica da podëi gní costruis debota te caji de emergënza.

 Sitemap