Foto 2014

autres fotografies


ScomenciamËnt dla plata

Archif

Dé dla Porta daverta: Bilanz positif dl Presidënt Kompatscher

Söporjö 2.200 vijitadus à tut pert ala pröma ediziun dl Dé dla Porta daverta dla Junta, dl Consëi y dl’Aministraziun provinziala en vëndres, ai 5 de setëmber, aniversar dl Dé dl’Autonomia. „Nosc messaje da gnì a vijité i ofizi por imparè a conësce da plü daimprò le funzionamënt dl’autonomia é gnü tut sö cun na buna presënza da pert dla popolaziun“, insciö le Presidënt dla Provinzia.

Ince l’ofize dl Presidënt dla Provinzia Kompatscher é romagnü davert por vijites di zitadins tratan le Dé dla Porta daverta ai 5 de setëmber. (Imaja: USP/ohn)

La Junta provinziala à analisé incö, mertesc dai 9 de setëmber, tratan süa sentada edemala i numeri y les presënzes dl Dé dla Porta daverta che é gnü metü a jì le vëndres dl’edema da denant en ocajiun dl Dé dl’Autonomia dl Südtirol. Le bilanz, insciö le Presidënt dla Provinzia, po gnì valuté positivamënter: fat para à indöt presciapüch 2.200 vijitadus, de chisc à söporjö mile vijité la plaza Silvius Magnago, zënter dla scomencidia, le Palais Widmann y la sënta dl Consëi provinzial. „Cun chësta scomenciadia ùnse orü ti mostrè ai zitadins les perts aministratives y i sorvisc che nosta autonomia contëgn – tira le Presidënt dla Junta n bilanz dla scomenciadia – y podun dì che nosc messaje de n’autonomia di zitadins é gnü tut sö.“

Por ći che reverda na repetiziun dl dé dla porta daverta te chësta forma n’él nia ćiamò gnü tut na dezijiun finala, insciö Kompatscher che dij: „Impormò canche i dać dla scomencidia sarà gnüs analisà tolarunse na dezijiun sön les modalitês dla manifestaziun por le dagnì.“

Por düć chi che ô ti dè ćiamò n iade n’odlada al Dé dla Porta daverta, che é gnü organisé por recordè le Dé dl’Autonomia y la sotescriziun storica por le Südtirol dl Tratat de Paris tl 1946, po le fà tres la plata internet http://www.provinzia.bz.it/de-autonomia/. Na seria de imajes y fotografies dl dé é gnüda ajuntada.

rc


ScomenciamËnt dla plata