Saltede la navigaziun

Florian Mussner

Biografia

Florian Mussner ie nasciù ai 22 de lugio dl 1951 a Bulsan.

Do avëi stlut ju l Istitut tecnich per l cumerz al studià scienzes politiches tl’Università de Trënt y Milan cun na spezialisazion de cunsulënt finanzier.

Dal 1977 inant fova Florian Mussner diretëur dla Cassa Raiffeisen de Sëlva, nchin l ann 2001 canche l ie jit tla politica y ie da moinla a cë dl dipartimënt per i lëures publics, la scola y la cultura ladina dla provinzia de Bulsan.

Dal 2004 nchin de mei dl 2006 fovel sëuraprò mo assessëur regiunel per la mendranzes linguistiches, da juni dl 2006 inant iel vize-presidënt dl Cunsëi regiunel.

Tl 1969 iel deventà cumëmber atif di Destudafuech de Sëlva y ti ani dal 1995 al 2002 fovel vize-presidënt di Destudafuech de Südtirol. Florian Mussner fova nce cumëmber dl Cunsëi dl Istitut ladin "Micurà de Rü".

Si maniera de comuniché nueva pra proiec publics y si mpëni de i descuter publicamënter cun la populazion tucheda vën prijei dassënn.

Ël se tol a cuer uni cuestion che à da nfé cun la scola y cultura ladina sciche nce cun i lëures publics y desmostra n gran mpëni persunel pra duc i proiec y à for na urëdla che scota su i bujëns de uniun.