Saltede la navigaziun

Daniel Alfreider

Chestionar por la popolaziun dles valades ladines

Landschaft

Cares families, stimades zitadines y stimá zitadins,

i sperun che ara se vais a düc bun. Les ultimes edemes y i ultimi mëisc n’é stá sauris por degügn y les valades ladines é gnüdes scialdi atocades dala pandemia dl coronavirus. Nosc tëmp lëde, nostes ativités culturales y döta nosta vita da vigni de é gnüs, fora de nia, metüs sotissura. Porchël oressun, sëgn che i sun indô piá tla direziun de na normalité nöia, mëte a jí na inrescida online tles valades ladines, por capí sciöche i ëis vit chësc tëmp tan particolar y suradöt por analisé bun ci che é jü bun y ci che n‘é nia jü bun. I orun imparé da chësta situaziun particolara a livel mondial, y sciöche picia comunité de mendranza orunse ince planifiché les mosöres por le dagní por les valades ladines. Les families é de gran importanza por nosta sozieté y al é de gran aiüt savëi ci che funzionëia y ci che é da mioré.

Les proscimes generaziuns, nostes families, nosta economia, nosta cultura y vita soziala é fondamentales y i orun se arjigné ca damí por podëi afronté situaziuns fora dl normal tl dagní.

Ulessans rengrazië Vo duc per Vosta despunibltà a Ve tò 10 menuc de tëmp per respuender ala dumandes.

L ie per nëus n feedback mpurtant per lauré inant, crëscer y miuré l daunì de nosta cumenanza, scola y cultura ladina.

Giulan por la partezipaziun,

Daniel Alfreider (Assessur por la scora y cultura ladina) y Edith Ploner (Direturia Intendënza y Cultura ladina)